Nuebe kliente di SDKK ta risibí sertifikado di fishi

Nuebe kliente di SDKK ta risibí sertifikado di fishi

Geplaatst op 06 November 2020 dor di Ministerio Hustisia

WILLEMSTAD: Nuebe kliente di SDKK a terminá nan kurso di formashon i kapasitashon di fishi den área di konstrukshon ku éksito.

Meta prinsipal di e kurso aki ta, pa klientenan ku partisipá, por forma nan mes den e area aki pa nan por drenta den sektor laboral dia ku nan sali liber.

Durante di e kurso aki e klientenan a risibi komo materia entre otro; siña konose  hèrmèntnan di konstrukshon, pega mosaiko, lesa mapa, pega dak, pega bloki, lanta muraya i pleistu.

Durante di seremonia di entrega di sertifikado, a hiba palabra direktor di SDKK, señor Urny Floran, Minister di Hustisia señor Quincy Girigorie, lider di proyekto señor Efren Candelaria i tambe señor Emelina dosente di e kursistanan.