FEDERASHON OTROBANDA TA PREOKUPA  PA E SITUASHON  ALARMANTE I PELIGROSO DI EDIFISIONAN DEN MAL ESTADO DEN OTROBANDA

FEDERASHON OTROBANDA TA PREOKUPA  PA E SITUASHON  ALARMANTE I PELIGROSO DI EDIFISIONAN DEN MAL ESTADO DEN OTROBANDA

Direktiva di Federashon Otrobanda ta preokupá ku  e situashon di e edifisionan den Otrobanda ku un bes mas  ta forma peliger pa habitante i bishitante di Otrobanda, sea nan ta peaton of outomobilista.  Kada bes di nobo bou di diferente sirkunstansia e edifisionan aki ta forma un peliger.  No tin espasio mas pa sigui mantené e situashon aktual di edifisio nan aki.  E situashon ta un prioridat basta tempu kaba, pero e akshonnan nesesario pa solushoná no a bin ku e mesun velosidat ku nivel di urgensha ku nan ta presentá.  Nos ta lamentá ku e doñonan di e edifisionan no ta kumpli ku nan responsabilidat di mantené nan edifisionan.  E resultado ta loke nos a bin ta eksperensha último tres dianan:

E situashon di áwaseru aktual ta kousando derame  na gran kantidat den Otrobanda. Den kurso di tres dia un total di sinku edifisio a sufri daño di tal magnitut ku nan ta forma peliger.  E imágennan athunto ta papia pa nan mes.  Te ku awor no ta tin pèrdida di bida, pero nos no por warda mas te ora baka hoga na pos.  

Federashon Otrobanda tin komprenshon ku Kòrsou ta pasando momentonan di reto na tur nivel, pero atrobe  ta mustra riba e nivel di urgensha i nesesidat di solushon temporal de inmediato  pa ku e situashon(nan) aki.   Ounke den fin di siman di parti di gobièrnu  un tim di VVRP,  instanshanan manera Brantwer i Polis  a tuma nota di e algun di e problemanan agudo i a purba hasi algu na esaki, falta mas pa salbaguardiá bida di nos habitante i bishitante di Otrobanda.

Solushon(nan) a korto plaso ta:

 

  • Dranghek
  • Sostené edifisio, “stut”
  • Bòrchinan pa indiká peliger
  • Inventarisá kua edifisio mas ta di tal estado ku lo por forma peliger a korto plaso

 

Solushonnan duradero ta pa;

  • Atendé ku e doñonan di e edifisionan aki pa nan tuma nan responsabilidat.  
  • Husa forsa di lei pa obligá nan pa hasi esaki,
  • Husa e mesun forsa di lei aki pa gobièrnu tuma e edifisionan aki bou di na “beheer” i atendé ku nan debidamente riba gastu di e doño

 

Federashon Otrobanda ta urgí habitante i usuario di Otrobanda pa tene kuenta ku e áreanan ku tin edifisio den estado di peliger i mantené distansia.

 

Informashon aki no ta pa publikashon;

Pa mas informashon por tuma kontakto ku 

Lisandra Martis, presidente 5690175, 6708016

federashonotrobanda@gmail.com

 

Siguiente imágennan ta papia pa nan mes.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: