Fundashon Bos di Hubentut ku seri tokante Derechi Mucha

 

Fundashon Bos di Hubentut ku seri tokante Derechi Mucha
Awe 20 di novèmber ta Dia Internashonal di Derechi di Mucha.
Kon ta pará ku derechi di mucha i hóben mei mei di desaroyonan aktual manera
COVID 19, diskushon tokante fiesta di Sanikolas, Black Lives Matter, social media i
fenómeno manera sexting i cyberbullying?
Kon ta ku situashon di mucha i hóben desabilitá na Korsou?
Kon leu ta tene kuenta ainda ku derechi di mucha den nos komunidat?
For di 1998 Kòrsou tambe ta komprometé ku e Tratado ku ta inkluí e siguiente
derechinan básiko di mucha:
1. Trato igual, sin importá rasa, religion òf nashonalidat;
2. Oportunidat pa desaroyá optimal riba tereno intelektual, físiko i sosialemoshonal;
3. Un nòmber i nashonalidat for di ora un mucha nase;
4. Un hogar, bon alimentashon i kuido médiko;
5. Kuido, edukashon spesial ora e tin desabilidat;
6. Komprenshon;
7. Skol i rekreashon grátis;
8. Yudansa promé ku otro hende den kaso di desgrasia òf emergensia;
9. Protekshon den tur sentido di palabra, pero sigur kontra abusu;
10. Krese den un ambiente kaminda tin pas, union, amistat,toleransia i amor.
Mucha i hóben di Kòrsou lo duna nan opinion riba e aspektonan akí, durante un seri di
4 programa ku lo pasa entrante awe djabièrnè, 20 di novèmber, pa mitar di 7 di anochi
na Telekorsou. Siguiente programanan lo pasa 27 novèmber, 4 i 11 di yüni na Telekorsou. Tambe nan lo pasa na TV Direct entrante djadumingu awor 22 di novèmber,
pa mitar di 7 di anochi i tambe riba 29 novèmber, 6 i 13 di yüni.
E temanan sentral i derivá for derechinan básiko ku a keda tratá den e 4 programanan
ta:
Oportunidat pa desaroyo, Kuido i edukashon pa e mucha desabilitá, Skol i nivel di
enseñansa i rekreashon grátis i Derechi pa krese den ambiente kaminda tin pas, union,
amistat, toleransia i amor.
E programanan tin durashon di mei ora kada un i ta un produkshon di Fundashon Bos
di Hubentut, patrosiná pa Federatie Antilliaanse Jeugdzorg, Ministerio di Enseñansa,
Siensia, Kultura i Deporte i Plataforma IVRK. Pre-production i produkshon final
tabata na enkargo di Millennium Communications i Image productions.
Fundashon di Hubentut ta invitá un i tur pa sintonisá e produkshonnan aki i pa reflehá
riba kontenido di derechi di mucha den nos bida diario.

This site uses Akismet to reduce spam. Learn how your comment data is processed.

error: Content is protected !!
%d bloggers like this: