SOAW A KUMPLI DEBIDAMENTE PA KU RISIBIDONAN DI ONDERSTANT MANERA A SER INFORMA

 

SOAW A KUMPLI DEBIDAMENTE PA KU RISIBIDONAN DI ONDERSTANT MANERA A SER INFORMA

Geplaatst op 03 January 2021 dor di Ministerio Desaroyo Sosial, Labor i Bienestar

Willemstad – Durante fin di aña tabatin hopi hende rabiá pasombra nan a bai kumpra kos ku nan karchi sosial i no tabatin sèn riba esaki. Ministerio di SOAW ta lamentá esaki pasobra risibidónan di ònderstant a risibí rekargo riba nan karchi sosial riba e dianan 4 i 18 di desèmber 2020.

Apesar di esaki i pa kumpli ku e kantidat di petishon di risibidónan di ònderstant, Ministerio a logra i a komuniká esaki via medionan di prensa ku risibidónan di ònderstant lo risibí nan ònderstant dia 31 di desèmber i esaki a tuma lugá manera a komuniká. Esaki ta pa por a hasi posibel pa e risibidónan di ònderstant por kumpra algun kos netamente den e dianan di fin di aña a hasi lo máksimo pa logra ku nan por a risibí nan ònderstant dia 31 di desèmber.

Klaro ku nos ta lamentá ku vários hende no a skucha òf lesa bon i a bai kumpra kos keriendo ku tin sèn riba e karchi sosial.
Segun skema, risibidónan di ònderstant lo a risibí nan ònderstant riba 4 di yanüari 2021 i nan karchi sosial lo a ser rekargá dia 8 di yanüari 2021.

Pues no ta bèrdat ku a engañá risibidónan di ònderstant, al kontrali, a hasi lo máksimo pa nan por a risibí nan ònderstant promé ku fin di aña.
Entrante yanüari lo saka e skema ku e fechanan ku risibidónan di ònderstant ta risibí nan ònderstant i tambe lo informá e dianan ku e karchinan sosial pa kumpra komestibel lo ser rekargá. Esakinan lo keda kompartí ku risibidónan di ònderstant regularmente.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: