Periodo di aplikashon pa Sosten Laboral
Periodo di aplikashon pa Sosten Laboral
Geplaatst op 08 February 2021 dor di Ministerio Desaroyo Sosial, Labor i Bienestar
Willemstad – Misterio di Desaroyo Sosial, Labor & Bienestar (SOAW) ta partisipá ku entrante 9 di febrüari 2021, tur persona ku a pèrdè trabou for di 23 di desèmber 2020 te ku 23 di febrüari 2021, pa motibu di Covid-19, por apliká pa Sosten Laboral te ku 23 di febrüari 2021.
Aplikantenan mester di un sédula bálido (inskribí na Kòrsou), un kuenta di banko riba nòmber di e aplikante, adrès di e banko, number di CRIB personal (deseabel), nòmber i adrès di e kompania kaminda e tabata traha, su último 2 slépnan salarial i eventual prueba di sesantia risibí (si esaki ta aplikabel), su karta di retiro, diploma òf sertifikado (deseabel) i Curriculum Vitae (CV) (deseabel).
Si despues di 2 siman ku a apliká e dokumentonan no ta kompletu nos ta kanselá e petishon. Meskos ta konta si bo yena bo number di identifikashon inkorekto.
Pa yena e formulario di aplikashon, bishitá www.fondodisosten.org
Personanan ku mester di yudansa pa yena por traha un sita ku Help-desk SOAW via telefòn na 724 – 5309, WhatsApp 510 – 7629 òf e-mail sostenemi@fondodisosten.org