CHATA ta organisá evento di aña nobo adaptá / CHATA Hosts New Year’s Event with a Twist

 

CHATA ta organisá evento di aña nobo adaptá

 

Willemstad, 12 di febrüari 2021 – No ta un sekreto ku aña pasá no a bai manera planiá i 2021 ahinda ta yená ku insertidumbre. Apesar di un fin di aña 2020 difisil, CHATA ta habri e aña nobo akí yená ku speransa i positivismo ku nan evento di aña nobo annual, sinembargo di un forma adaptá. E tim di CHATA kier a mustra nan gratitut na miembronan i nan dedikashon na CHATA. Danki na varios kolaborashon i seshonan di deliberashon den tim, tabata posibel pa invite miembronan na un evento sigur i kontrolá, estilo drive-thru na Renaissance Curaçao Resort & Casino kaminda tur medida di higiena ta na lugá. Segun CHATA, esaki ta e momentu pa, apesar di e retonan di aña pasá i aktual, demonstrá positivismo i speransa pa sigui pa dilanti.

 

Alrededor di 150 invitado a yega unu tras di otro den nan outo, garantisando medidanan safe kontra COVID, kaminda nan a forma un fila na e rotonde serka di e fòntein. Promé ku forma e fila nan a risibí un bonbiní kaluroso serka e tim di CHATA. Unabes e fila a keda formá ku 15 outo, kada unu pará dilanti di un skrin vertikal, invitadonan a risibí un bibida i un kaha di pasapalu pa por a disfrutá di un presentashon den komodidat di nan propio outo.

 

E presentashon a kuminsá ku e president di direktiva di CHATA, sr. Hans Slier, kende a ekstendé un bonbiní kaluroso na e invitadonan. El a kontinuá dunando un rekonosementu breve na e president i CEO anterio, sr. Miles Mercera, pa su dedikashon i logronan durante su temporada na CHATA. Despues di a ekspresá su gratitut na e tim i miebronan, Hans a pasa palabra pa Maria-Helena Seferina kende a kontinuá ku e presentashon.

 

Maria-Helena a kuminsá su spich ku un introdukshon breve di su mes i a kontinuá ku e logronan di CHATA den 2020. El a bisa ku apesar di e pandemia i su reperkushonnan, e tim a keda brinda sosten na su miembronan na e manera ku mihó nan tabata por. Despues di e resumen di logronan den 2020, el a kontinuá komunikando e metanan ku CHATA a pone pa 2021, introdusiendo CHATA su lema di aña ‘Realizing Dreams Together’ (Realisando Soñonan Huntu). Banda di implementá e Curaçao Tourism Authority i e lei di ‘Level Playing Field’, “CHATA lo enfoká riba kontinuashon di e proseso di rekuperashon di turismo pa e destinashon i su membresia. Den 2020, tabata evidente ku kolaborashon tabata esensial pa sobrebibienda di hopi kompania. P’esei ta krusial pa kontinuá ku kolaborashon i stimulá trahamentu huntu pa asina rekuperá i sembra e benefisionan komo un isla i desitinashon”, segun sra. Maria-Helena Seferina.

 

Despues di e presentashon, e outonan a kontinuá den un fila direkshon pa salida kaminda nan a risibí un kaha di kos dushi. Prome ku a sali for di e fila, Maria-Helena Seferina i e direktiva di CHATA tabata yama nan ayo i deseá tur hende un bon ora di kaminda.

 

CHATA ta sumamente gradesido na su miembronan i ta orguyoso di por a brinda sosten durante un tempu di nesesidat i gana konfiansa di su miembronan. CHATA ta kere firmemente den traha huntu. Huntu nos lo re-konstruí, huntu nos lo ta fuerte, huntu nos lo bira un isla i destinashon yená ku oportunidat pa tur hende.

 

 

 

CHATA Hosts New Year’s Event with a Twist

 

Willemstad, February 12, 2021 – It’s needless to say that last year did not go as planned and 2021 is still full of uncertainties. Despite the rough ending of 2020, CHATA opens the new year full of hope and positivity with their annual New Year Event, but with a twist. The CHATA team wanted to show their members how appreciative they are for their membership and their dedication to CHATA by inviting them to a safe and controlled drive-thru New Year’s Event at the Renaissance Curaçao Resort & Casino, with all necessary hygiene measures in place. CHATA thought it to be a momentum that despite of the many challenges the sector had to face last year, and is still facing, to also show a certain positivity and hope going forward.

 

Roughly 150 guests arrived in a ‘COVID-safe’ way, one after the other in their cars, as they fell in line at the roundabout near the fountain. Prior to entering the line, they received a warm welcome from the CHATA Team and a welcome drink. Once the lane was filled with 15 cars, the guests received a snack-box catered by Renaissance. Each car was parked in front of a vertical screen and the presentation began, where the guests could enjoy the presentation in the comfort of their own car.

 

The presentation started off with CHATA Chairman, Mr. Hans Slier, extending a warm welcome to the guests. He continued with giving a brief acknowledgement to the former CHATA CEO & President, Mr. Miles Mercera, for his dedication and achievements made while being a part of CHATA. After expressing his gratitude to the team and members, Hans gave the word to Maria-Helena Seferina to continue on with the presentation.

 

Maria-Helena started her speech with a short introduction of herself and continued by addressing the achievements made throughout the challenging 2020. She stated that despite the pandemic and its repercussions, the team continued to support its members as best as they could. After the recap of the 2020 achievements, she carried on by communicating the goals that CHATA has set in place for 2021 and introducing CHATA’s slogan of the year ‘Realizing Dreams Together’. Aside from implementing the ‘Curaçao Tourism Authority’ and the ‘Level Playing Field’ legislation, “CHATA will be focusing on the continuation of the tourism recovery process for the destination and its membership. Throughout 2020, it was evident that collaboration was key to the survival of many businesses. Therefore, it is crucial to continue collaborating and endorsing togetherness in order to recover and reap the benefits as one island destination,” said Mrs. Maria-Helena Seferina.

 

After the presentation, the cars continued in a single-file line towards the exit of the lane, where they receive a dessert box. Before existing, Maria-Helena Seferina along with the CHATA Board waved them goodbye and wished them a safe ride home.

 

CHATA is extremely grateful for their members and is proud that they were able to support them during a time of need and gained their trust. CHATA firmly believes in working together. Together we will rebuild, together we will be strong, together we will become a one island destination, full of opportunities for everyone.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: