‘Landenpakket’ no tin niun balor

 

Willemstad – ‘Landenpakket’ no tin niun balor

Sigun Parlamentario Rennox Calmes e famoso ‘landenpakket’ no tin niun balor. Nos leinan konosé Lei di Konseso, nos no konosé ‘landenpakket’. Tambe e ta bisa ku COHO no a yega Kòrsou ahinda, i e no ta mira e motibu pa tantu diskushon riba algu ku niun miembro di parlamento a haña pa mira ahinda. 

“Nos Minister President sr. Rhuggenaath a dal un gritu algún dia pasa bisando ku e siguiente gobièrnu ku sinta, mester aseptá e COHO. Esaki ta diktatura. Sr. Knops i sr. Rhuggenaath a disidí di firma algu entre nan pa asina forsa e pueblo aki pa bai di akuerdo ku algu ku nan a atendé, no opstante e echo ku tur dos mester responsabilisá nan mes na nan parlamentunan, es ta e Parlamentu di Hulanda i esun di Kòrsou. Pues niun di dos no por hasi nada sin ku nan respektivo parlamentunan bai di akuerdo”. 

Calmes ta sigui bisa ku e gritunan di diktatura, ku a la bes ta gritunan di desesperashon di nos Minister President, ta gritu di imponé i buta kuchú na garganta di nos pueblo. E realidat ta ku Hulanda no ta rabia ku e pueblo di Kòrsou, Hulanda ta rabia ku e Minister President aktual. E motibu ta ku mei mei di pandemia Minister President a hasi un petishon pa fia 700 mion piku florin pa tapa buraku di presupuesto, den kual e a buta 26 mion florin pa ‘consultants’ òf e aina yamá ‘family & friends’. Anto ora a reklam’e riba esaki, a kita e 26 mion florin mesora. Ta pesei Hulanda ta rabia ku e gobièrnu aktual, ta pesei sr. Knops a bini i a bin kana den barionan pa parti paketenan di kuminda. E pruebanan ku gobièrnu di Hulanda no ta konfia e gobièrnu aktual ta e simpel echo ku asta yudansa no a wòrdu mandá a través di e gobièrnu aktual. Yudansa a wòrdu mandá a través di ‘Rode Kruis’ pa mustra ku Hulanda no ta konfia e gobièrnu aktual.

Calmes ta sigui splika ku ta pa e motibu aki Hulanda tin kuchú na garganta di e gobièrnu aktual i e gobièrnu aktual kier bin hasi awor manera ta e ta buta kuchú na garganta di pueblo. “E problema entre e gobièrnu di Hulanda i esun di Kòrsou ta entre nan dos, no mester hinka pueblo den dje. Ku otro gobièrnu sigur ta renegosashonnan di nobo lo tuma lugá. Un gobièrnu nobo ku hendenan konfiabel dirigí pa un Minister President konfiabel ku Hulanda por konfia”, Calmes ta enfatisá.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: