Frakshon di PAR a tuma nota ku promé minister Eugene Rhuggenaath a deklará públikamente
Willemstad,- Frakshon di PAR a tuma nota ku promé minister Eugene Rhuggenaath a deklará públikamente ku e ta bai proponé den e próksimo reunion di ministernan pa gobiernu di Korsou hasi un apelashon formal na gobiernu di Reino pa via di un medida di alto supervishon intervení aki na Korsou pa asina parlamento di Korsou sali for di e empase ku e ta aden di no por reuní pa falta di quorum.
Frakshon di PAR ta kompletamemte di akuerdo ku e argumentonan riba kua gobiernu di Korsou ke akudí na gobiernu di Reino pa hasi posibel pa e kredensial di Emilou Capriles wordu investigá i pa despues e miembro di parlamento nobo por pasa pa huramentashon na gobernador poniendo asina parlamento bek na 21 miembro manera nos areglo di estado ta preskribí.
Frakshon di PAR pa medio di e komunikado aki ke buta bon kla riba mesa i ke asegurá ku e intervenshon pidí pa gobiernu di Reino a base di statut artikulo 43:2 i 51 lo ta solamente i eksklusivente pa hasi posibel pa investigá kredensial di Emilou Capriles i nada mas ku esei.
Lider di frakshon PAR
Stephen Walroud
