Entrega di ‘Duplikaat-oproepingskaart’ na ofisina di Kranshi

Entrega di ‘Duplikaat-oproepingskaart’ na ofisina di Kranshi

 

Willemstad – Djaluna 8 di mart a kuminsá ku entrega di ‘duplikaat-oproepingskaart’ na tur votadó ku, pa un of otro motibu, no a risibí nan karchi di vota pa por bai vota dia 19 di mart próksimo. 

 

Tur votadó ku no a risibí nan karchi di vota ainda, por pasa na ofisina di Kranshi na Roodeweg 42 i buska un ‘duplikaat’ di djaluna 8 di mart te ku djabièrnè 12 di mart entre 4or di atardi te ku 7or di anochi i riba djasabra 13 di mart entre 9or di mainta te ku 4or di atardi.      

 

Den e siman di 15 pa 19  di mart por pasa na Kranshi di djaluna 15 di mart te ku djaweps 18 di mart entre 8or di mainta te ku 3or di atardi i di 4or di atardi te ku 7or di anochi i riba djabièrnè 19 di mart, dia di elekshon, por pasa buska ‘duplikaat-oproepingskaart’ for di mainta 8or te ku 6or di atardi.    

 

Konseho Supremo Elektoral ta kere ta importante pa informá komunidat dikon no ta tur votadó ta risibí nan karchi di vota na kas. Di e 116.146 karchinan di vota ku mester a keda imprimí, un kantidat di 1756 no a ser imprimí.  Den e tabel ku ta sigui por tuma nota di e motibunan. Pa loke ta trata e personanan ku a ‘schrijf uit’ òf a fayesé tin di trese dilanti ku ta trata di personanan ku despues ku a sera e registro di votadó dia 22 di desèmber 2020 a ‘schrijf uit’ òf a fayesé entre 23 di desèmber 2020 i 1 di febrüari 2021 ku tabata e fecha riba kua a kuminsá ku imprenta di e karchinan di vota.  

 

Karchi di vota no imprimí den 2021
Motibu Kantidat
Adrès no ta konosí na Kranshi 981
Persona a ‘schrijf uit’ òf a fayesé 286
Bibienda no tin number di kas (z/n)  489
Total 1756

                                                                                                                                                             

Pa duna un bista kon e asuntu aki a bai den pasado den e tabèl ku ta sigui por tuma nota di e kantidat di karchi di vota ku no a ser imprimí den añanan di elekshon 2012, 2016 i 2017.  

 

Karchi di vota no imprimí
  2012 2016 2017
Motibu Kantidat Kantidat Kantidat
Adrès no ta konosí na Kranshi 938 2139 2147
Persona a ‘schrijf uit’ òf a fayesé 376 784 225
Bibienda no tin number di kas (z/n) 1125 1096 970
Total 2439 4019 3342

                                                                                                                                                          Den e tabèl ku ta sigui por haña un bista di e kantidat di ‘duplikaat-oproepingskaart’ ku a keda entregá dor di Kranshi den e añanan di elekshon ya menshoná i tambe kon e entrega a tuma lugá riba e diferente dianan.  

 

Dia Sèptèmber
2012
Oktober
2016
Aprel
2017
1 (djaluna) 80 20
2 (djamars) 95 26
3 (djarason) 58
4 (djaweps) 129 86 59
5 (djabièrnè) 95 33 60
6 (djasabra) 173 164 220
7 (djaluna) 304 176 248
8 (djamars) 470 399 346
9 (djarason) 610 453 523
10 (djaweps) 822 5 459
11 (djabièrnè) 1371 0 1377
12 (djasabra) 158
13 (djaluna) 431
14 (djamars) 628
15 (djarason) 1042
Totaal 4149 3679 3292

                                                                                                                                                              Por opservá kon e kantidat di ‘duplikaat-oproepingskaart’ ku a keda entregá na aña 2012 a bin ta baha. Komparando 2017 ku 2012 por nota ku e kantidat di ‘duplikaat-oproepingskaart’ ku a ser entregá a baha ku kasi 900. Ta remarkabel kon mayoria di votadó ta bai buska un duplikaat-oproepingskaart den e siman di elekshon i spesialmente riba e dia di elekshon.                  

 

Konseho Supremo Elektoral ke hasi un yamada na tur votadó ku no a risibí nan karchi di vota na kas pa buska un ‘duplikaat’ na kranshi mas lihé posibel i no warda te  último ora. Kòrda tene kuenta ku medidanan vigente di Covid-19 ora bishitá Kranshi.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: