E BÈRDAT DI EKONOMIA DI KÒRSOU MEIMEI DI PANDEMIA! Chehadi Edine

 

Mi ta tuma e mishon di sirbi i salba e pais kaminda mi lombrishi ta derá hopi na serio. 

Komo polítiko mi ta traha di forma realistikó i pone prioridatnan ku ta relevante i aktual.

 

Anke nos ta pasando den un pandemia mundial ku a afektá entrada di mayoria suidadano. 

E echo aki no mester laga nos friz ni keda pegá den pasado. Hustamente mester ta kreativo i sa di hasi bon uzo di loke nos tin ainda. 

 

Sea konsiente ku tin hende ku ta responsabel; mandatarionan ku no a kumpli ku nan tarea. Pa e motibu akí nos situashon ekonómiko ta kaminda e ta!

 

For di momentu ku bo tinku lusi i uza logro ku no ta dibo, ta pasó bo NO tin logro di bèrdat. 

 

Bo ta papia di Kòrsou tei krese; a kaso bo no tabata ke pa Kòrsou krese den e añannan ku a pasa?

 

Bo prioridatnan un bia mas ta leu fo’i kas. Invershon finansiero den modelahe i strategia simpelmente pa gana no ta amor pa bo pais.

 

Nos komunidat ta bèi. Hopi santu a tira den nos kara. TA BASTA!!!

Ta basta primintí ku ta bai habri Bullenbaai, 

Ta basta primintí ku bo ta bai subi buelonan turístiko,

Ta basta primintí ku lo bo hiba nos aeropuerto na kategoria 1. 

Ta basta primintí ku nos ta bai krese sin un plan mará na echo i ekspertisio. 

 

Ta pandemia Covid19 mester a laga pueblo realisá kon largu bo a sinta riba e masterplan di desaroyo ekonómiko.

 

Ademas di no duna kara manera un lider berdadero, bo ta benta tur problema riba e pandemia Covid-19. Bo tatin mas ku sufisiente tempu i rekurso finansiero pa por a prevení tur e sufrimentu bou di nos hendenan. 

 

Bo tatin OPORTUNIDAT pa fortfiká nos ekonomia i pone ku fásilmente durante di un temporada krítiko asinaki aloménos PAN ku KESHI tur hende por tatin. 

Pero hopi ta pasa hamber i bo MAL maneho ta hunga un ròl klave den e situashon deplorabel aki. Te ku awor ta patras a hiba Kòrsou. Basá riba kiko komunidat tin ku kere ku ta bai tin kresementu? 

 

Ainda komunidat di Kòrsou ta sinti falta di Insel Air. Ki dia abo komo mandatario a tuma responsabilidat pa e fayo akí? 

 

Tabatin plan pa importá baka… kiko a pasa ku esei? Responsabilidat ta karakterístika mashá importante den maneho, sigur di un nashon! 

 

Plan basá riba nada ta resultá den nada. Ta nesesario pa pone un paro na mal gastu di energia, sèn i tempu. 

 

Awor mas ku nunka nos mester alsa nos potenshalnan i tene bista fihá skèrpi riba tur posibildatnan.

 

Akshon ta pisa muchu mas ku palabra.

 

Kòrsou ta Vota pa Responsabilidat,

Kòrsou ta vota Partido Democraat!