Su Girigori drumi dushi den brasa di Señor Nos ta partisipá fayesementu di nos kolega sra. drs. Shulaika ‘Su’ Girigori

Su Girigori drumi dushi den brasa di Señor
Nos ta partisipá fayesementu di nos kolega sra. drs. Shulaika ‘Su’ Girigori
WILLEMSTAD – Minister di Enseñansa, Siensia, Kultura i Deporte, Steven Croes i
su ministerio kompleto ta di luto ku fayesementu di Antropólogo drs. Shulaika
‘Su’ Girigori.
Su Girigori tabata aktivo den direktivanan di diferente fundashonnan ku ta resortá
bou di e sektor di Enseñansa i Siensia i tambe tabata duna aporte balioso na e sektor
Kultural entre otro komo miembro di Konseho Kultural Kòrsou. Alabes e tabata
aktivo den Komishon Nashonal di UNESCO Kòrsou. Su Girigori semper tabata pará
kla pa duna su kontribushon na e sektornan konserní i tabata un persona masha kerí
prinsipalmente den e mundo kultural di Kòrsou.
E sektornan ta sumamente tristu i den shòk ku e pèrdida balioso akí. Pero alabes
agradesido di por a konosé i traha ku un tremendo kolega. Su Girigori su legado ta
keda pa semper grabá den e sektor di Enseñansa, Siensia i Kultura i spesialmente den
kurason di área kultural kompleto.
Ministerio di Enseñansa, Siensia,Kultura i Deporte kompletu ta ekstendé su mas
profundo palabranan di kondolensia na famia, amigu i konosí di nos kerida Shulaika
‘Su’ Girigori.
Su nos dushi kolega drumi dushi den brasa di Señor.

KOMUNIKASHON
Ministerio di Enseñansa, Siensia, Kultura i Deporte

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: