YU DI KÒRSOU JULIUS MARTINA LIDER DI TIM KU A LOS BARKU EVERGREEN PEGÁ DEN SUEZ KANAL
Nos ta bezig ta focus riba hopi negativismo kual ta influensia nos mindset sin ku nos ta para ketu ku den mundu tin kosnan grandi ta pasa kaminda nos yunan di tera ta envolví.
Siman pasa tabatin problema grandi den kanal di Suez kaminda un barku grandi kargá ku hopi kònteiner a pega sin por a sigi nabegá.
Si no a bini solushon ekonomia mundial lo a kolaps of bira hopi karu. Un tim bou di mando di un Yiu Di Kòrsou, Sr. Julius Martina a logra lòs e barku. Un mishon pisá pero no imposibel.
Un pabien na sr. Martina i su tim.
Porsierto sr. Martina ta ruman di e konosido komersiante dje mihó ala nan di Kòrsou kende ta Jojo Ala.
Riba e foto bo por mira sr. Matina i su tim durante e mishon na Egipto.
Mester agregá ku Julius tabata na kabes tambe algun aña pasa di e mishon na momentu ku a saka e avion Divi Divi ku a kai den profundidat banda di Boneiru.