Kaso di agreshon den SDKK

 

Kaso di agreshon den SDKK

Geplaatst op 31 March 2021 dor di Ministerio Hustisia

WILLEMSTAD – Djárason 31 di mart 2021, alrededor di 3.30’or di mèrdia, a tuma lugá un kaso di agreshon na prizòn.

For di investigashon preliminar a sali afó ku un grupo di detenido den blòk 5 a lanta kontra di otro, ku a bin terminá den un kaso di agreshon. Mesora personal di SDKK a drenta akshon pa asina pone e situashon bou di kontròl.

E dos detenidonan ku inisialnan R. L. i J. L. a keda gravemente heridá ku un opheto skèrpi na altura di nan man i pia. Tur dos detenido víktima a keda transportá ku urgensia pa CMC pa mas tratamentu médiko.

E investigashon lo kontinuá pa outoridatnan di Kuerpo Polisial.