Ontvanger ta adaptá servisio den periodo di ‘lockdown’

 

Ontvanger ta adaptá servisio den periodo di ‘lockdown’

 

Komo konsekuensia di e “Lockdown” Ontvanger su servisio kustumbrá lo no ta optimal pa e dos simannan binidero. Pa motibu di esaki ta informá lo siguiente:

 

Kambio na lokalidat CPost Punda

  • Pago di impuesto i prima

Entrante 29 di mart 2021 Ontvanger lo reanudá servisio di pago na Cpost Punda.
Por hasi tur pago di impuesto i prima manera entre otro Inkomstenbelasting, Loonbelasting Winstbelasting, Onroerendzaakbelasting, Erfpacht, Omzetbelasting, AOV, Cessantia i Deposito di Vreemdelingen, ets. na lokèt di Ontvanger den Cpost.

 

  • Pago di number pa vehíkulo

Pa loke ta pago di number pa vehíkulo, por hasi pago di number di vehíkulo nobo solamente na lokèt di Ontvanger na Cpost Punda. Na otro lokalidat manera CPost Groot Kwartier i ACU lo no por hasi pago pa vehíkulo nobo.  Tur otro pago di number ku tabata hasi na  lokalidatnan di ACU i Cpost lo sigui normalmente.

 

  • Bali di informashon

E bali di Ontvanger kaminda por a tuma i haña informashon general di Ontvanger lo no ta den servisio.

 

  • Orario di kaha CPost

Orario di kaha di Ontvanger na Cpost Punda ta 08.00 pa 14.00.

 

Kambio na lokalidat na SVB

  • E lokalidat na SVB lo sigui duna sigiuente servisio:
  • kambio di vehíkulo pa otro doño (“overschrijving”)
  • buska plachi di number nobo
  • entregá plachi di number
  • benta di stampia/seyo i “doktersverklaring

 

  • Orario di kaha na SVB

Orario di kaha di Ontvanger na SVB ta 08.00 pa 14.00

 

Kambio na lokalidat na WTC

  • Departamentu di kobransa

E departamentu di kobransa di Ontvanger na WTC lo ta será pa públiko pa próksimo dos siman. 

 

  • Sera areglo di pago

Por sera un areglo di pago, por hasi un petishon por eskrito serka Ontvanger. Por hasi esaki via di email invorderingteam@gobiernu.cw. Tur hende por komuniká ku Ontvanger via di e email menshoná. Na su turno Ontvanger lo sòru pa, den kaso ku ta nesesario, manda e formularionan rekerí pa atendé e petishon. Ontvanger lo sòru pa kontestá e kliente mas pronto posibel.

 

  • Bo ta bandoná pais?

E kontribuyente ku tin ku bandoná Pais mester hasi kuenta promé ku partida for di Kòrsou. E  mester presentá ku kopia di su formulario di deklarashon di entrada te ku aña 2020 i pa e aña 2021 di 1 di yanüari te ku su fecha di partida, mas su komprobante di kanselashon di su debe di impuesto pendiente. 

Mester mèldu na e resepshonista pa departamentu di kobransa di Ontvanger na WTC.

  • Orario di resepshonista

Solamente servisio di resepshonista ta habri pa públiko na WTC pa entrega di karta pa Ontvanger ets. E bali di resepshonista lo ta habrí di 08.00 pa 12.00. Tambe por yama na telefòn: 734-2300 o 734-2224.

 

Hasi bo pago via e sistema on-line

Ontvanger ta supliká tur hende pa mas tantu posibel di hasi pago via e sistema on-line.
Tambe por akudí na tur banko i tambe por paga via Pagomátiko. Tur transakshon on-line i via Pagomátiko ta sin kosto.

 

Aki ta sigui un lista di tur banko i number di kuenta di Ontvanger kaminda por hasi pago:

 

Kuenta di banko di Ontvanger

Maduro & Curiel’s Bank 23329507

CIBC FirstCaribbean 1002423

Orco Bank 1081290195

RBC 104146229

Banco di Caribe 30649501

Vidanova Bank 502310001

Girobank Curacao N.V. 1500047

This site uses Akismet to reduce spam. Learn how your comment data is processed.

error: Content is protected !!
%d bloggers like this: