Kontròl i repartishon di but den kuadro di medida pa ku Covid-19.

KOMUNIKADO DI PRENSA 146 / 2021
14 aprel 2021
Kontròl i repartishon di but den kuadro di medida pa ku Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 13 di aprel 2021, personal di Warda di Polis Barber reforsá ku personal di Politur
West a tene kontròl den kuadro di medida relashoná ku Covid-19.
E kontròlnan akí a tuma lugá na diferente sitio den área di Banda Bou. A repartí un kantidat
di sinku (5) prosèsferbal pa violashon di e orario di toke de keda.
Durante di e kontròl den un parke di palu bou di algun sushi, e agentenan a bin haña i
konfiská un tas di hep den kua tabatin un telefòn selular, algun sèn, 15 richi ku ta kontené
kokaina, dos saku di plèstik ku mariwana i algun artíkulo mas.
Tambe a konfiská un outo ku a viola plachi di dia.
E kontròlnan aki lo kontinuá.