Kandela “scrap yard” di karton na San Sousi 31 ta kousa molester di huma

UO Brandweer & Rampenbestrijding Curacao

Kandela “scrap yard” di karton na San Sousi 31 ta kousa molester di huma

Willemstad – Un kandela grandi na “scrap yard” di karton na San Sousi 31, Veeris ta kousando hopi molèster di huma pa e área di Veeris i besindario. Brantwer Kòrsou a risibí notifikashon ayera 19 di aprel 2021 alrededor di 23:02 anochi ku mester tin un kandela na e “scrap yard” di karton na San Sousi 31, Veeris.
Brantwer Kòrsou a dirigí vários unidat na e sitio di kandela pa kuminsá kombatí e kandela.Na e sitio Brantwer Kòrsou a konstatá ku ta trata di kandela grandi di karton i a start e ku kombatimentu di e kandela. Mirando e embergadura di e kandela a urgí e doño pa buska un “loader” plama i deshasí di e karton nan.E doño di tereno mester reglá e “loader” pa limpia e tereno pa kita e peliger di kandela.
Na e momentunan aki Brantwer Kòrsou
ta hasiendo su máksimo esfuerso pa kaba kombatí e kandela.
Un apelashon ta bai na habitantenan i negoshinan den e área di San Sousi, Veeris, Sambil i besindario pa tene bentana i porta di kas i/òf edifisionan sera. Personanan ku ta eksperenshá molèster i/òf personanan ku ta sufri di un malesa respiratorio ta ser konsehá pa bandoná e área i keda na un otro sitio. Habitantenan di barionan den serkania mester tene kuenta ku molèster di holó di huma por permanesé algun dia.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: