Pregunta tokante proyekto Bopec pa Playa Frans
Na Kolegio Ehekutivo di Entidat Públiko di Boneiru
Parke Wilhelmina #1
Kralendijk
Bonaire C.N
Apresiabel Kolegio Ehekutivo,
Mi frakshon por a tuma nota di un proyekto ku a keda realisá pa ku e kaminda for di porta di BOPEC te ku Playa Frans.
Relashoná ku e proyekto aki, mi ta hasi uso di nos Reglamentu di Òrdu, artíkulo 45, pa hasi e siguiente preguntanan ku e petishon pa risibí kontesta oral i al kaso den e próksimo reunion públiko di Konseho Insular:
- Kolegio Ehekutivo por konfirmá ku resientemente a ehekutá un proyekto di drechamentu di e karetera di porta di BOPEC pa Playa Frans i duna mas informashon riba esaki?
- Kolegio ehekutivo por duna mas informashon riba e destaho -públiko òf “onderhands”- pa e proyekto aki?
- Kua ta e kompanianan ku a partisipá na e destaho aki?
- Kua ta e kompania ku a gana e destaho?
- Kolegio por a fasilitá Konseho Insular ku e “bestek” i e “aanneemsom” aprobá di e proyekto aki?
- Ken tabata enkargá ku supervishon di e proyekto aki?
- Si a usa greis pa e proyekto aki?
- Na unda a rekohé e greis òf otro material?
- Kuantu material a rekohé?
- Di ken e material aki ta?
- Kuantu ela kosta den e totalidat di e proyekto?
- Na ken a paga pa rekohé e material?
Atentamente,
___________________________
Désirée E. Coffie
Miembro di Konseho Insular Boneiru
