Presidente di Parlamento señora Ana-Maria Pauletta a sera e periodo Legislativo 2017-2021 durante un reunion Públiko!

Presidente di Parlamento señora Ana-Maria Pauletta a sera e periodo Legislativo 2017-2021 durante un reunion Públiko!

 Willemstad- Djaluna mainta dia 10 di mei 2021 durante un reunion Públiko di Parlamento a sera e periodo legislativo 2017-2021. Esaki despues ku pueblo durante di e elekshon último di 19 di mart 2021 a bai urna i a skohe ken nan ke pa representá nan e próksimo periodo di 2021 pa 2025.

E reunion a kuminsá  ku e punto di agènda aprobashon di nótulonan, kaminda miembronan dje Kolegio saliente a aprobá nótulonan di reunionnan di Parlamento anterior. Despues e Presidente di Parlamento señora Ana-Maria Pauletta e duna kada Miembro di Parlamento sinku minüt pa hiba nan diskurso final. E Miembronan di Parlamento a hasi uso di e oportunidat aki pa kompartí ku pueblo e konosementu ku nan a atkerí i e eksperensia nan ku nan tin awó na final di nan término. Hopi palabra di elogio i apresio ta tin pa e manera profeshonal ku e personal di Grefi di Parlamento i e kuerpo di seguridat di Kuerpo di Polis di Kòrsou a bin ta duna nan komo sosten ku nan komo Parlamentario por a hasi nan trabou komo Representante di Pueblo. Parlamento di Kòrsou a sera e periodo 2017-2021. Djamars mainta pa 8or lo tin e akto di huramentashon dje miembronan di Parlamento nobo. Despues pa dies or di mainta lo tin e promé Reunion di e Parlamento nobo kaminda lo eligí un Presidente i Vise Presidente nobo. Por sintonisá e reunion aki via e wèpsait di Parlamento na www.parlamento.cw òf via e página di facebook di Parlamento “Parlamento di Kòrsou”, e emisora mi 95.FM di Curom NV, via e plataforma digital http://www.basilachill.com