Preguntanan relashona ku proyektonan di waf di Chachacha i waf di piskado

 

 Na Kolegio Ehekutivo di Entidat Públiko di Boneiru

Parke Wilhelmina #1

Kralendijk

Bonaire C.N

 

Apresiabel Kolegio,

 

Mi frakshon a tuma nota ku a restorá e waf na Chachacha Beach i tambe esun konosí komo waf di piskadó na Playa Pabou. Relashoná ku e dos proyektonan aki i konforme nos Reglamentu di Ordu, artikulo 45,  mi ta hasi e siguiente preguntanan ku e petishon pa risibí kontesta oral i al kaso den e próksimo reunion públiko di Konseho Insular:

 

1. Kolegio Ehekutivo por splika kon e proseso di destaho -públiko òf “ onderhands”- pa e proyektonan aki a bai?
2. Kua kompanianan a partisipá na e destaho?
3. Kua kompania(nan) a haña e aprobashon pa ehekutá e  proyektonan?
4. Kolegio por fasilitá Konseho Insular e bestèk i e “aanneemsom” aprobá di e proyektonan?
5. Ken òf kua kompania a keda enkargá ku supervishon di e proyektonan?
6. Kolegio por fasilitá Konseho Insular “opleveringsrapòrt” di e proyektonan?
7. Ki plan konkreto Kolegio tin pa drecha Waf di Sorobon i ki dia lo kuminsá ku esaki?
8. Kolegio Ehekutivo por informá Konseho Insular ki plannan konkreto tin pa konstruí i drecha “slipway”-nan na Boneiru e.o. na Playa Frans, Sun Set Beach, Te Amo beach i tur otronan, i si ta asina; ki dia lo kuminsá ku esakinan?

 

En espera di kontesta di Kolegio Ehekutivo mi ta keda,

 

Atentamente,

 

___________________________

 

Désirée E. Coffie

Miembro di Konseho Insular Boneiru