Detenshon relashoná ku atrako.

 

KOMUNIKADO DI PRENSA 207 / 2021
2 yüni 2021
Detenshon relashoná ku atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un atrako kometé dia 3 di aprel 2021 den
área di un resort na Banda Bou, tim di atrako a hasi dentenshon di dos hòmber sospechoso.
Djárason 2 di yüni 2021, alrededor di 09.55’or, polis a detené e hòmber sospechoso J.C.
nasé Guandong di 27 aña di edat. Detenshon a tuma lugá na un establesimentu riba
Winston Churchillweg.
Alrededor di 11’or tim di aresto a hasi detenshon di un sospechoso mas na krusada Weg
naar Westpunt/ Kaminda Prospero Popo Rojer. Ta trata di e hòmber sospechoso J.J.C.E.
nasé na Kòrsou di 20 aña di edat. Durante di su detenshon polis a haña i konfiská un arma
di kandela, un outo i mas artikulonan. Tambe polis a tene entrada hudisial den un kas na
Barber i a konfiská artikulonan ku ta di importansia pa e investigashon.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: