Entrada hudisial ku 5 detenshon i konfiskashon.
KOMUNIKADO DI PRENSA 234 / 2021
25 di yüni 2021
Entrada hudisial ku 5 detenshon i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon den un kaso di atrako kometé dia 1 di yüni último riba un
establesimentu, polis a hasi sinku (5) detenshon.
Djabièrnè 25 di yüni 2021, kuminsando for di alrededor di 04.52 or, tim di aresto, e tim di
atrako konhuntamente ku e personal di UST, a tene sinku (5) entrada hudisial na diferente
adrès. Respektivamente na; Blanquillaweg, Elmerstraat, Nieuw Nederland i Kaya Darg.
Na e adrèsnan menshoná a detené sinku (5) sospechoso kuater (4) hende hòmber i un
hende muhé.
Ta trata di e hòmbernan sospechoso:
R.Th., 24 aña di edat;
A.F.D., 23 aña di edat;
S.B.L. 22 aña di edat;
A.G.F.M., 29 aña di edat i e hende muhé
X.A.L., 57 aña di edat, tur nasé na Kòrsou.
Durante investigashon na e adrèsnan ya menshoná, polis a haña i konfiská artíkulonan ku ta
di importansia pa e investigashon. Na Blanquillaweg a haña tambe un arma di kandela.
A presentá tur e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.
