PREPARASHONNAN A KUMINSÁ PA NOS SELEKSHON NASHONAL SU KOMPROMISONAN DEN GOLD CUP 2021!
PREPARASHONNAN A KUMINSÁ PA NOS SELEKSHON NASHONAL SU KOMPROMISONAN DEN GOLD CUP 2021!
Nos selekshon nashonal lo biaha mañan 30 di yüni 2021 pa Los Angeles pa asistí na un ‘trainingskamp’ komo preparashon pa nos kompromisonan di Gold Cup 2021. Nos selekshon lo keda na Los Angeles te 6 di yüli pa despues sali pa Dallas pa sigui ku e preparashonnan pa nos partidonan di e promé buèlta di Gold Cup 2021.
Durante nos weganan di Gold Cup, nos selekshon lo ta bou di guia di Sr. Patrick Kluivert. Esaki despues di un petishon ku Sr. Guus Hiddink a hasi na Sr. Kluivert mirando ku ainda su salú no ta optimal.
Djaweps, promé di yüli 2021 Patrick Kluivert i su staf tékniko lo públika e lista di hungadónan ku lo partisipá durante nos kompromisonan di Gold Cup 2021.
Skema di nos partidonan di Gold Cup (Grupo A):
| Fecha | Tim di kas | Bishitante | Stadion |
| 10 yüli 2021 | El Salvador | Kòrsou | Toyota Stadium |
| 14 yüli 2021 | Kòrsou | Mexico | Cotton Bowl Stadium |
| 18 yüli 2021 | Kòrsou | (lo wòrdu anunsiá despues) | Toyota Stadium |
Un biaha mas nos selekshon tin kompromisonan serio na kaminda i manera semper ta konta ku pueblo di Kòrsou su apoyo i sosten pa nan sigui saka nos kara!
29 yüni 2021
