Lo bai aktua kontra di establesimentunan ku ta violá ora di sera.

 

KOMUNIKADO DI PRENSA 251 / 2021
9 yüli 2021
Lo bai aktua kontra di establesimentunan ku ta violá ora di sera.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Entrante di awe 9 di yüli 2021, lo bai aktua kontra tur establesimentu ku ta violá ora di sera.
Ya pa algun tempu kaba, ta konstatando ku diferente establesimentu di pèrmit ta violando
e kondishonnan den nan pèrmit i ta sera oranan despues ku ya nan mester tabata será.
Kuerpo Polisial ke pone na atenshon di un i tur ku konforme di e lei ku ta regla pèrmit di
establesimentu, tur establesimentu ku tin un permit of ku a entregá un petishon pa pèrmit,
mester sera:
a) Djadumingu pa djaweps mas tardá 12’or di anochi;
b) Djabièrnè i djasabra mas tardá 1’or di mardugá.
E yamada aki ta bai na tur propietario ku ta operá un establesimentu di pèrmit, pa tene
kuenta ku e regla aki, ya ku lo tin sanshon pa posibel inkumplimentu.