Polis ta pone atenshon èkstra na kasonan di kiebro den Banda’Riba

 

KOMUNIKADO DI PRENSA 246 / 2021
8 yüli 2021
Polis ta pone atenshon èkstra na kasonan di kiebro den Banda’Riba
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djarason dia 7 di yüli último, representantenan di Kuerpo Polisial i di Ministerio di
Hustisia, tabata di bishita na Sentro di Bario Montaña, na unda tabatin un enkuentro
ku representantenan di bario pa papia tokante di e situashon di kiebro den kas i
negoshi den banda’riba.
Ya pa algun tempu kaba, regisornan di bario di banda’riba ta den kontakto estrecho
ku representantenan di barionan den banda’riba, pa yega na fórmulanan kon atendé
ku e kasonan di ladronisia den kas i den negoshi.
Durante di e enkuentro na e sentro di bario, e diferente representantenan di bario a
duna presentashon di kiko nan mes huntu ku abitantenan a hasi, pa asina yuda frena
aktividatnan kriminal den nan bario.
Tambe nan a trese dilanti situashonnan ku nan ta kere ku gobièrnu i otro
instansianan mester duna un man, pa asina hasi nan bario mas sigur.
Manera entre otro mas i mihó iluminashon di kaya, habrimentu di mondinan na
unda malechornan ta skonde pa vigilá kasnan bandoná i tambe roinan shushi.
Barionan ku a keda representá, tabata Montaña, Montaña Rey, Lang Leven,
Brakkeput, Lagunisol, Chincho, St. Joris, Cas Grandi i Rooi Santu.
Den kuadro di e esfuerso grandi aki ku habitantenan ta hasi, Kuerpo Polisial
asumiendo su responsabilidat a kuminsá djaluna dia 5 di yüli 2021, ku un tim dediká
na atendé kasonan di ladronisia den kas i den negoshi prinsipalmente den e área di
banda’riba.
E tim aki a keda reforsá pa personal di reshèrshi i polis di warda di Montaña mes, ku
tin komo ophetivo, pa baha e kantidat di kasonan di kiebro i mantené esakinan
abou.
Riba e potrètnan, por tuma nota di e enkuentro ayera na Sentro di Bario di Montaña

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: