Tèst grátis di corona pa hendenan ku no ta ful bakuná i ta bai biaha Gratis coronatest voor niet volledig gevaccineerden die op reis gaan
Tèst grátis di corona pa hendenan ku no ta ful bakuná i ta bai biaha
Tèst grátis pa biaheronan for di Hulanda tambe
Kralendijk – Hendenan na Boneiru ku no ta kompletamente bakuná por pasa un tèst grátis di corona ora nan ta biaha pa eksterior. Ta trata di hende ku ainda no a logra bakuná kompletamente.Mucha di 7 te ku 18 aña, hende muhé ku resientemente ta na estado òf ku tabata na estado, ta kai den e grupo akí. Pashèntnan ku debí na nan situashon médiko no por a pasa angua tambe por hasi e tèst grátis di corona.
Ta ofresé e tèst grátis na yüli i ougùstùs di e aña akí. Tin pais ku ta pone un tèst di corona obligatorio pa mucha for di 7 aña. Pa e motibu akí ta ofresé e tèst grátis di corona na mucha di 7 te ku 18 aña. Biaheronan boneriano ku ta biaha bèk for di Hulanda pa nos isla, por hasi e tèst grátis di corona na Hulanda. Pa mas informashon: rijksoverheid.nl.
Na Boneiru por hasi petishon pa e tèst grátis na https://www.bonairesafetravel.org/bonaire-residents Via e lenk biaheronan por traha un sita. Ta hasi e tèst na Marriott Hotel, Kaya Internashonal 2. Via email ta manda resultado di e tèst.
Tur hende na Boneiru por pasa angua. Mucha for di 12 aña tambe. Traha un sita pa esaki via 0800 0900 òf bai e kompleho deportivo na Kaya Amsterdam riba e dianan pa pasa angua. E dianan pa pasa angua ta riba página di Facebook di Gobièrnu di Boneiru i riba www.bonairecrisis.com
Gratis coronatest voor niet volledig gevaccineerden die op reis gaan
Ook gratis test voor reizigers vanuit Nederland
Kralendijk – Een deel van niet volledig gevaccineerde mensen op Bonaire kan een gratis coronatest krijgen bij een reis naar het buitenland. Het gaat om mensen die zich nog niet volledig konden laten vaccineren. Daaronder vallen kinderen van 7 tot en met 18 jaar en vrouwen die (pas) zwanger zijn of zwanger zijn geweest. Patiënten die door hun medische situatie niet gevaccineerd konden worden, kunnen ook gratis de coronatest doen om te reizen.
De gratis coronatest wordt in juli en augustus van dit jaar aangeboden. Er zijn landen die een coronatest verplicht stellen voor kinderen vanaf 7 jaar. Daarom wordt de gratis coronatest aan kinderen van 7 tot en met 18 jaar aangeboden. Bonairiaanse reizigers die vanuit Nederland naar het eiland terugreizen, kunnen in Nederland gratis de coronatest doen. Voor meer informatie: rijksoverheid.nl.
Op Bonaire is de gratis test aan te vragen bij https://www.bonairesafetravel.org/bonaire-residents Via de link kunnen reizigers een afspraak maken. De test wordt bij het Mariott Hotel, Kaya Internashonal 2 afgenomen. De uitslag van de test wordt via de mail gestuurd.
Iedereen op Bonaire kan zich laten vaccineren. Ook kinderen vanaf 12 jaar. Maak hiervoor een afspraak via 0800 0900 of ga op de prikdagen naar de sporthal aan de Kaya Amsterdam. De prikdagen staan op de Facebookpagina van het OLB en op www.bonairecrisis.com.