Vários vehíkulo na kandela.

KOMUNIKADO DI PRENSA 270 / 2021
28 yüli 2021
Vários vehíkulo na kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 28 di yüli 2021 alrededor di 03.11 or di mardugá, Sentral di Polis a risibí
informashon ku na un garashi di un kompania na Sabana Baka tin vários vehíkulo na
kandela.
Mesora a dirigí un unidat polisial i brantwer na e sitio. Na yegada di e unidat, el a topa en
bèrdat ku diferente dòmtrùk i un vehíkulo pisá na kandela.
Personal di brantwer ku a presentá na e sitio a logra paga e kandela pero no por a evitá ku
un kantidat di vehíkulo a kima kompletamente. Kousa di e kandela ta den investigashon.
Na e sitio polis a haña i konfiská algun artíkulo ku ta importante pa e investigashon.