UoC Toastmasters Club ta kla pa aña edukashonal 2021-2022

 

UoC Toastmasters Club ta kla pa aña edukashonal 2021-2022

 

Willemstad, djasabra ultimo University of Curaçao UoC Toastmasters Club tabatin un tremendo reunion ku e tema: Un komienso nobo. Despues a sigui pa e instalashon di e direktiva nobo pa aña 2021-2022. 

 

UoC Toastmasters Club ta un di e klup nan di Toastmasters ku tin mas tantu aña aki na Kòrsou kual promé di mart último a kumpli 30 aña di eksistensia. E klup su enfoke ta pa guia hóbennan primeramente di UoC den nan formashon di komunikashon i liderasgo. Tambe èks-studiantenan (alumni) di UoC ku tin e meta pa sigui desaroyá nan mes por bira miembro di e klup. 

 

Toastmasters no ta solamente liderasgo i komunikashon. Toastmasters ta trein bo riba e abilidat di duna diskurso, duna un evaluashon positivo, skucha asertivo, liderá proyektonan, guia un reunion den un tempu stipulá, manehá relashonnan stratégiko i amplia bo konosementu riba diferente otro tereno. Toastmasters ta un komunidat mundial ku diferente miembro ront mundu.  

 

E instalashon di direktiva a tuma lugà na Universidat di Kòrsou kaminda UoC Toastmasters Club a reuní bèk en persona despues di un aña virtual pa motibu di e pandemia. 

 

E personanan ku ta forma parti di e direktiva nobo ta:

Presidente: Chantallaimy Valks

Vise Presidente Edukashonal: Brian Martis

Vise Presidente Miembresia: Jerusha Manuela

Vise Presidente Relashonista Públiko: Darrellyn Gouverneur-Alberto

Sekretaria: Jeannely Kastaneer

Tesorero: Derick Willem

 

Pa mas informashon tokante di e klup por manda un e-mail na uoctoastmastersclub@gmail.com. Tambe por sigui uoc TMC riba e páginanan sosial manera Facebook, Instagram, Tik Tok òf Snapchat.