Reunion tripartit entre e tres paisnan den Reino

 

Kralendijk, 22 di ougùstùs 2021

 

Awe e delegashon di Parlamento di Kòrsou a reuní ku e delegashonnan di Parlamento di Aruba i Parlamento di Sint Maarten den un reunion tripartit pa trata temanan di interes pa tur e pueblonan di e paisnan aki. Un di e metanan prinsipal di e reunionnan tripartit aki ta pa yega na puntonan komún i amplia e koperashon entre e parlamentonan.

 

Entre otro a para ketu riba e trayekto di lei di reino pa COHO mirando ku pronto e parlamentonan lo kuminsa trata e lei di reino aki den nan seno. Tambe a deliberá riba e proyekto di lei pa introdusí un Kódigo di Prosedimentu Penal nobo i aspektonan di derechonan humano. E delegashonnan ta di opinion ku e interkambionan aki mester hiba na kordinashon i sinkronisashon di e trabounan legislativo. Finalmente esaki lo mester trese benefisio pa e diferente pueblonan.

 

E reunion a tuma luga den un forma hopi efektivo i tabata fruktífero; a tuma posishonnan stratégiko i pa sierto tópiko a palabrá ku lo sigui eksplorá aspektonan importante huntu.

 

Djaluna 23 di ougùstùs e delegashonnan lo kuminsa e konferensia huntu ku e delegashon den representashon di Hulanda. Por sigui e konferensia aki atrabes di Youtube: https://youtube.com/channel/UCKhNQfhalzbDvt7qHHquj7A/live

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: