Giselle Mc William: Gabinete Pisas a skohe pa keda sin informá su pueblo enkuanto COHO.

 

Giselle Mc William:

Gabinete Pisas a skohe pa keda sin informá su pueblo enkuanto COHO.
Presidente di Parlamento mester asumí su responsabilidat i yama reunion.
Djabièrnè 3 di sèptèmber 2021 lo tin Konseho di Minister di Reino pa trata asina e lei di Konsenso di Reino COHO, kual e 4 gobièrnunan den Reino a informá ku a yega na konsenso lokual promé minister a informá durante di un konferensha di prensa i tambe un komunikado di prensa di 10 di ougùstùs último.
Na momento ku esaki a tuma lugá Frakshon di MAN a pidi un reunion di komishon sentral
pa asina debatí ku gobièrnu riba e lei aki, kual a yega na konsenso.
Den e kuadro aki Presidente di Parlamento mester mira e urgensia i importansia di e tema aktual i di kual ta konvoká sea e reunion di komishon sentral òf públiko riba e tema ya menshoná i asina kumplí ku su promesa komo Presidente di Parlamento di ta Presidente di tur 21 miembro di Parlamento. Lamentablemente Frakshon di MAN i pueblo di Kòrsou mester konstatá ku ya ta di 2 reunion riba COHO no ta keda honrá pa Presidente di Parlamento.
Gobièrnu den un konferensha di prensa di 10 di ougùstùs 2021 a indiká ku nan a trese diferente kambio den e lei aki. Pa Frakshon di MAN ta importante ku Parlamento i tambe pueblo di Kòrsou por tuma nota di e kambionan ku a bini den e” nader rapport” riba e konsehonan di nos Raad van Advies i Raad van State riba e proseso ku a inisiá aña pasa.. Ta importante pa debatí riba e lei aki mirando e impakto ku esaki tin riba nos komunidat pa e próksimo 6 añanan.
Dia 24 di ougùstùs 2021 Raad van Advies a emití un konseho riba petishon di Gobièrnu, ku 2 di ougùstùs a pidi Raad van Advies pa duna nan remarke riba e konsepto di e lei di Reino aki. No opstante esaki, gobièrnu no a warda riba e konseho i tòg a bai di akuerdodia 10 di ku e Lei aki.. Raad van Advies a duna algun opservashon pa loke ta e konsepto di e lei di reino.
Presidente di Parlamento kende ta esun yamá pa konvoká reunionnan di Parlamento tambe mester asumí su responsabilidat. For di na momento ku e trayekto aki a start gobièrnu di turno no a bini Parlamento i tuma sentimentu di Parlamento den kuadro di e trayekto pa e Lei di COHO. Den e kuadro aki presidente di Parlamento mester mira e urgensia i importansia di e tema aktual i di kual ta konvoká sea e reunion di komishon sentral òf públiko riba e tema ya menshoná. Di e forma ei Presidente di Parlamento lo a kumpli ku su promesa esta, ta Presidente pa tur 21 miembro di Parlamento.
E meta prinsipal pa Frakshon di MAN ta pa trese klaridat i pa haña informashon kua ta e posishon ku Gobièrnu lo tuma djabièrnè awor den Konseho di Minister di Reino, i ku no ta den medionan di komunikashon òf riba facebook Parlamento ku ta e órgano di as haltu mester tuma nota di esaki.
Pa Frakshon MAN e echo ku Gobièrnu no ta bini parlamento pa duna informashon i debatí ta un muestra di skonde informashon pa parlamento i pueblo di Kòrsou. Pues no tin transparensia. E impakto di COHO riba desaroyo di nos Pais ta importante, pues ta nesesario i di sumo importansia pa Parlamento ta bon informá mirando ku na final e lei mester bini Parlamento pa keda tratá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: