PROMÉ MINISTER A REUNI KU DIREKTOR DI REDA SOSIAL.

PROMÉ MINISTER A REUNI KU DIREKTOR DI REDA SOSIAL.

Willemstad – Promé Minister di Kòrsou Gilmar Pisas a reuní awe mainta ku e direktor di Reda Sosial sr. Wilfred Bonifacia.

Durante di e bishita e direktor a duna Promé Minister informashon general riba kiko Reda Sosial a bini ta hasi durante di e último 2 añanan Esaki en konekshon ku diferente proyekto ku Reda Sosial ta guia.

Algun di e proyektonan ta entre otro, drechamentu di algun skol, kas ku ta pertenesé na hendenan ku sea ta kobra onderstant, ta penshonado i/òf no tin entrada, dos Parke di Rekreashon na Koraal Specht i Westpunt, Vèlt di Bala na Montaña i a organisá kurso di artesania.

E bishita tabata unu plasentero kaminda Promé Minister por a haña un bista mas amplio di tur loke ta tuma lugá pa medio di Reda Sosial den nos komunidat.