GOBIÈRNU DI KÒRSOU A TENE E DI TRES REUNION KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI TRES REUNION KU E SENTRALNAN DI SINDIKATO I VBC.

 

Willemstad – Promé Minister Gilmar Pisas huntu ku Minister di Desaroyo Sosial, Labor i Bienestar Ruthmilda Larmonie-Cecilia, na nòmber di Gobièrnu di Kòrsou, a reuní ku e sentralnan di sindikato i VBC dia 28 di sèptèmber 2021.

 

Esaki tabata e di tres reunion ku ta tene ku e tres Sentralnan di Sindikato, Vereniging Bedrijfsleven Curaҫao (VBC) i Gobièrnu di Kòrsou ayera dia 2 di sèptèmber 2021.

E tres sentralnan di sindikato ta: Central General di Trahadonan di Kòrsou (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a trata e siguiente puntonan: Departamentu di Labor, Plan di Limpiesa, urgensia pa krea kuponan di trabou di un forma aselerá i Refineria.

Minister di Salubridat, Medio Ambiente i Naturalesa Dorothy Pietersz-Janga i Minister di Tráfiko, Transporte i Planifikashon Urbano Charles Cooper a bini aserká den e reunion na momentu ku a trata e punto di agènda “Plan di Limpiesa”. 

 

E reunion a kana den un bon esfera kaminda tabatin espasio amplio pa kada partido por a dialogá i kompartí informashon ku otro riba e puntonan ku a bini dilanti.

 

E siguiente reunion lo ta aki dos siman.