Detenido a fayesé den Sentro di Detenshon i Korekshon Kòrsou

Detenido a fayesé den Sentro di Detenshon i Korekshon Kòrsou

Geplaatst op 12 June 2020 dor di Ministerio Hustisia

WILLEMSTAD- E detenido Harvey Jozef Reinita ku tabata sera den Sentro di Detenshon i Korekshon Kòrsou pa motibu di asesinato, a fayesé awe 12 di yüni 2020, mainta den prizòn.

E personal di e Blòk kaminda Reinita tabata sera, despues di a konstatá ku e detenido aki tabata duna indikashon di ta malu, a yama e departamento médiko na prizòn, ku a akudí na e Blòk rápidamente. Despues ku nan a saminá e detenido nan a pone dòkter di prizòn na altura, ku a indiká pa laga transportá e detenido ku ambulans pa hospital.

Na yegada di ambulans nan a bin konstatá ku e detenido a fayesé. Despues ku dòkter a konstatá morto, Ministerio Públiko a tuma e morto den beslag pa hasi outopsia i determiná kousa di fayesimentu di e detenido en kuestion.

Famianan di e detenido a ser pone na altura dor di trahadó sosial di prizòn.

Pas na restu di e defuntu i forsa na su famianan.

This site uses Akismet to reduce spam. Learn how your comment data is processed.

error: Content is protected !!
%d bloggers like this: