NA MEMORIA DI HERMANO CLOVIS LODEWIJKS, UN DI E DIRIGENTENAN DEPORTIVO MAS SOBRESALIENTE DI KOROSU

 

NA MEMORIA DI HERMANO CLOVIS LODEWIJKS, UN DI E DIRIGENTENAN DEPORTIVO MAS SOBRESALIENTE DI KOROSU

 

WILLEMSTAD – Mundu deportivo i pueblo engeneral a tuma nota ku nos gran dirigente di fama internashonal, Hermano Clovis Lodewijks a bai sosegá.

 

Clovis durante hopi aña tabata un dirigente ku a realisá nòmber di Kòrsou internashonalmente pa su partisipashon den e organisashon deportivo mundial di mas haltu na Mundu.

 

Na Kòrsou tambe Hermano Clovis tabata super popular i tabata inspirador i kreador di vários organisashonnan deportivo manera Wildcats den beisbòl, Centro Dominguito den Futbòl i diferente ekipo di Sòftbòl.

 

Durante su trayektoria deportivo, Clovis Lodewijks a logra pone Sòftbòl di Kòrsou riba pedestalnan di mas haltu internashonalmente. Clovis tabata un dirigente desisivo ku semper tin un solushon pa tur situashon.

 

Huntu ku Sweeny Gomes nan a logra di kombertí e ekipo di beisbòl Dominguito  Sugar Kings den  e ekipo di Wildcats na 1966, logrando 8 titulo kampionil konsekutivo di Kòrsou i tambe bon representashon den kampionatonan Antiano.

 

Aparte di su méritonan riba tereno deportivo, Clovis Lodewijks den añanan 80 tabata un di e konseheronan prinsipal di AMAK i semper bai e tabata duna su  konsehonan na espesialmente Presidente di AMAK.

 

Kòrsou sigur lo keda rekordá Clovis Lodewijks komo un dirigente di nivel haltu, ku  a bira konosí  den tur skina di mundu.

 

Na nòmber di direktiva di BBC Wildcats, nos ta deseá forsa na su señora, yunan i demas famianan ku e pèrdida sensibel aki  i nos ta sigur ku e lo tin un lugá spesial den Reino di 

Señor. Ku su Alma sosegá na pas.

Direktiva di BBC Wildcats

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: