Koperashon Curaçao CleanUp i CITRO pa limpiesa di aria di mangrove na Caracasbaai.

Curaçao Clean Up

Koperashon Curaçao CleanUp i CITRO pa limpiesa di aria di mangrove na Caracasbaai.
Pa konkluí sèptèmber, nos luna di limpiesa, Fundashon Curaçao Cleanup (CCU) djasabra último a bolbe tene un akshon di limpiesa. Esaki despues ku 2 siman pasá, ku tabatin e eksitoso akshon di limpiesa mas grandi na mundu, World Cleanup Day kaminda 2.400 boluntario a limpia 95 area riba nos isla den un mainta i a rekohé komo 414.000 kilo di shushi.
Djasabra último otro akshon di limpiesa a tuma lugá den e area bunita di mangrove, konosí komo Piedra di Sombra na Caracasbaai. E area aki – ku no ta fásil pa yega via tera – tabatin basta shushi ku laman a spula pero tambe shushi ilegal di dùmp for di e mirador di Vista Royal.
E boluntarionan a haña ayudo di CITRO pa transportá e shushi via laman. E akshon tabatin 70 saku di shushi komo resultado ku un peso di mas o menos 700 kilo.
Curaçao Clean Up ta mira bèk riba un luna di limpiesa eksitoso ku a pone enfasis riba atendementu ku shushi na un forma responsabel. CCU ta sigui hasi un yamada na un i tur pa atendé ku shushi na un forma korekto. Nos naturalesa ta muchu kostoso i vulnerabel pa atend’é na un forma indiferente.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: