Kaso di ladronisia ku detenshon i konfiskashon.

 

KOMUNIKADO DI PRENSA 344/2021
12 òktober 2021.
Kaso di ladronisia ku detenshon i konfiskashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 12 di òktober 2021, alrededor di 02.45’or, di mardugá, unidat di U.S.T. ku tabata
patruyando riba Juweliersweg a tuma nota di un vehíkulo di karga ku tabata kore riba e
kaya ei sin lus i ku tres hòmber aden.
E unidat a duna òrdu pa e vehíkulo aki para pa un kontrol i na e momentu ei a surgi un
persiguishon i polis a lográ para e vehíkulo.
Dos di e hòmbernan sospechoso a logra baha for di e vehíkulo i sali na kareda.
Den un investigashon ku polis a hasi na e sitio a resultá ku e sospechosonan aki a kaba di
kometé un ladronisia ku a tuma lugá na un establesimentu den área di Parera.
Den e vehíkulo di karga aki a haña i konfiská un kantidat grandi di sigá i sigaria ku ta
prosedente di e ladronisia ariba menshoná.
Na e sitio a detené e hòmber sospechoso:
 A.J.A., di 24 aña di edat, nase na Kòrsou.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
Investigashon den e kaso aki ta kontinuá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: