Komunikado di prensa relashoná ku e video ku sr. Ewout a publiká.

Komunikado di prensa relashoná ku e video ku sr. Ewout a publiká.
E video a krea e reakshonnan di repudio of ta e trato preferensial ku nos ta duna e hulandes riba nos hendenan?
E prosedura i e manera ku a kopera ku e sr. Ewout pa por a produsí e video aki, ta un muestra di deskriminashon ku semper a bin ta tuma luga kòntra nos mes hendenan. Prensa lokal tambe a pidi pa nan por a traha un dokumental pero e petishon a wòrdu rechasá.
Lokual ku a sosode aki, ta kòrda mi riba un kaso di un señora ku a pidi un pèrmit pa por a pone su konteiner den punda. E señora a pone su konteiner den punda pero debi ku e no tabatin e pèrmit, MEO a kita esaki. Sinembargo a resulta ku ta un hulandes a haña e pèrmit i no e señora lokal. Nos mes hendenan ta siña e haitianonan kon pa kita e tereno di huurgrond for di nos paisanonan via di plantashon. Tin un lei ku ta stipula ku si un hende ta planta pa 5 of mas aña, e tereno ei lo bira di e plantadó. I asina hopi di nos hendenan a bin ta pèrdè nan tereno di huurgrond. I asina por sigui menshona historianan kaminda ku nos hende lokalnan ta wòrdu nenga i bòikotia pero otronan manera entre otro e chinesnan sí por a haña e pèrmitnan na un manera ingenioso pa nan hasi negoshi.
Mas duele ta ku ta nos mes ta praktikando e deskriminashon aki kontra nos mes hendenan. E problema ta ku nos hendenan No ta hañando e oportunidat igual ku persona di otro un rasa. Deskriminashon ta den nos mente. Miéntras ku esaki ta e kaso, nos lo keda bòikotia otro i kolaborá ku hende di otro rasa pa tene nos abou.
E momentu a yega pa nos eduká i edifiká otro ku nos tur ta igual pa risibí e oportunidat di por demostrá i krese den e bida aki. Huntu nos por edifiká i re-konstruí nos dushi Kòrsou.
Dearly Constancia

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: