Konsulta tokante e Kódigo di corporate governance pa sektor finansiero a kuminsá

Konsulta tokante e Kódigo di corporate governance pa sektor finansiero a kuminsá

Willemstad/Philipsburg – Centrale Bank van Curaçao en Sint Maarten (CBCS) a definí un kódigo di
corporate governance nobo (Kódigo) pa sektor finansiero. E meta di e Kódigo aki ta pa aklará e papel
i responsabilidatnan di e direktiva, miembronan di hunta di supervishon i
akshonistanan/benefisiarionan di instansianan finansiero i proveedónan di servisio finansiero. E
Kódigo tambe ta duna kontenido na e eksigensianan tokante e maneho komersial di organisashonnan
den sektor finansiero, segun e tipo, tamaño i perfil di riesgo di e empresa. Finalmente, e Kódigo ta
promové maneho komersial sosial responsabel i un kultura di empresa étiko.
A invitá organisashonnan representativo na reunionnan virtual durante luna di òktober den kual CBCS
ta duna un splikashon di e base i kontenido di e Kódigo. E organisashonnan representativo invitá lo
tin oportunidat pa reakshoná riba e Kódigo te ku dia 22 di novèmber. Seguidamente lo sigui adaptá e
Kódigo.
Ta spera ku e Kódigo lo drenta na vigor komo maneho i instrukshon di CBCS durante e promé
trimèster di 2022; ta konsiderá aña 2022 un aña di transishon. Miembronan di e kuerpo di maneho,
manera miembro di direktiva i hunta di supervishon, mester hasi uzo di e aña aki pa implementá e
Kódigo den nan organisashon. Eventualmente, e Kódigo lo ta na vigor komo un reglamentu
obligatorio general; ta spera esaki pa fin di 2022. For di e momentu ei, tur organisashonnan den sektor
finansiero mester aktua konforme di e Kódigo.
Willemstad, 28 di òktober 2021
CENTRALE BANK VAN CURAÇAO EN SINT MAARTEN