Prome Minister Evelyn Wever-Croes:Den un manifestacion pasivo di conscientisacion contra abuso sexual di menor:FUNDACION LISETTE GOMEZ A ENTREGA MANIFESTO Y RAPPORTNAN CU NAN A ENTREGA NA GOBIERNO ANTERIOR

Prome Minister Evelyn Wever-Croes:

Den un manifestacion pasivo di conscientisacion contra abuso sexual di menor:

FUNDACION LISETTE GOMEZ A ENTREGA MANIFESTO Y RAPPORTNAN CU NAN A ENTREGA NA GOBIERNO ANTERIOR

Fundacion Lisette Gomez, cu tin casi 10 aña ta lucha riba e tereno di abuso di menor, den un manifestacion pasivo diabierna ultimo, a presenta na Gobierno e diferente manifesto y rapportnan cu el a entrega den pasado na Gobierno anterior, pero cu e Gobierno aki nunca a ricibi pa motibo cu no tabata tin traspaso debido di informacion. E fundacion a trece dilanti tambe cerca Prome Minister Evelyn Wever-Croes na preocupacionnan y plannan cu nan tin pa yuda combati abuso sexual di mucha.

Aruba, den e ultimo simannan, a wordo informa di diferente caso di abuso di menor cu un biaha mas a causa hopi reaccion den nos comunidad. Pa cua motibo tambe, Gabinete Wever-Croes, representa pa Minister di Asuntonan Social, Minister di Salubridad, Minister di Husticia, Minister di Enseñansa y Prome Minister, a duna declaracionnan amplio riba tur locual e Ministernan encarga cu e tema aki y Gobierno en general a haci y ta haciendo riba e problematica aki cu ta afecta nos pueblo en especial nos muchanan.

Na e momento cu Gabinete Wever-Croes a cuminsa goberna, mesora a nota un negligencia grandi riba e veld social pa cua motibo tambe mesora a cuminsa traha riba e Social Crisis Plan. E plan aki ta traha riba e crisis social mientras tambe Gobierno ta trahando riba e prevencion di e tipo di abusonan aki.

Esfuersonan di Gobierno pa sigui ataca abuso sexual di mucha ta continua. Gobierno di Aruba lo traha hopi di cerca cu sra. Lisette Gomez riba e problema serio di abuso sexual di menor. Hunto lo traha riba prevencion y riba e castigonan mas halto.

“Abuso sexual di menor ta dal nos tur hopi duro den nos curason. E tema y maneho tin un prioridad hopi halto riba agenda di Gabinete Wever-Croes y nos lo no laga nada desvia nos for di nos meta pa bringa e crimen aki contra nos muchanan. Ora cu nos ta bisa cu nos ta pone e ser humano central, cada mucha tambe ta central”, Prome Minister a enfatisa.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: