Padres i Dodgers ta komandá promé buèlta di RBI 2021

 

 

Padres i Dodgers ta komandá promé buèlta di RBI 2021

WILLEMSTAD – Kampionato 2021 di RBI Curacao patrosiná pa Maduro & Curiel’s Bank a kontinuá den fin di siman tras di lomba. Ounke ku áwaseru a stroba kos un poko djasabra, tòg a logra hunga 4 wega, unu riba djabièrnè i tres djadumingu. Promé buèlta ta kasi tras di lomba ku Firebirds Padres i Wild Cats/St. Michiel Dodgers ta komandando e tabla di posishon ámbos ku un rèkert di 4-1.
Groot Kwartier Astros a logra un viktoria di 7-3 riba Suffisant Royals. Picher ganador tabata Nathanael Milton Diaz i Christopher Marshall a bai di 3-2 pa Astros. Picher pèrdèdó tabata Vienerick Francisca mientras ku Kevin Overman i Maeverson Francisca a bai di 3-2 pa Royals. Manera a indika kaba tur tres wega di djasabra a keda posponé pa motibu di áwaseru i lo keda reprogramá ku wega den siman mes. Djadumingu a hunga tres wega kuminsando ku Wild Cats/St. Michiel Dodgers ganando di Groot Kwartier Astros ku skor di 6-2. Picher ganador tabata Jamdrick Cornelia i mes a bai di 3-2 ku un tripel. Raidjemar Jantji a konektá un honron tambe pa Dodgers. Picher perdedo tabata David Raap i Najearlon Reinillia i Kevin Joséa bai di 3-2 pa Astros. Den e di dos wega di djadumingu Marchena Braves a pèrdè na man di Royal Scorpions Cardinals ku skor di 6-3. Picher ganador tabata Steaven Amorsing i Raydjen Rosina a resultá e picher pèrdèdó. Mihó bateadónan tabata pa Braves Nwigher Francisca di 3-2 i pa Cardinals tabatin vários bateadó ku un hit. E wega final di wikènt a bai entre Firebirds Padres i Sta. Rosa Indians. Tabata e ekipo di Padres ku a sali viktorioso den e wega aki ku un skor di 10-4. Picher ganador pa Padres tabata D’veon Sloop i Riangelo Windster a bai di 3-3. Picher perdedo tabata Shurick Mouricia i miho bate pa Indians tabata Gensley Ryan di 3-2.
Próksimo wikènt lo no tin wega pa kampionato regular di RBI 2021 pero djasabra 6 di novèmber lo tin un All Star Game kuminsando for di 9:30 am na Tio Daou Ballpark. Djadumingu e ora ei lo tin un ‘showcase’ unda vários hóben pelotero por demonstrá nan talento dilanti scoutnan di e diferente organisashonnan di Liga Grandi.

 

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: