PROMÉ MINISTER GILMAR PISAS A PARTISIPÁ NA DIFERENTE AKTIVIDAT DI TNO.
PROMÉ MINISTER GILMAR PISAS A PARTISIPÁ NA DIFERENTE AKTIVIDAT DI TNO.
Willemstad – Promé Minister Gilmar Pisas i diferente otro minister di e Gobièrnu aktual a partisipá na diferente aktividat ku tabatin relashoná ku e bishita di TNO i invershonistanan Europeo aki na Kòrsou den e siman di 25 di òktober 2021 te ku 29 di òktober 2021.
E siman tabata bou di kordinashon di e Ministerio di Desaroyo Ekonómiko.
Durante di e siman ku a pasa tabatin diferente aktividat, kombersashon i reunionnan intensivo ku e grupo di TNO (Toegepast Natuurwetenschappelijk Onderzoek), representantenan di Kòrsou i inversonistanan Europeo ku tabata na Kòrsou pa atendé e tópiko di entre otro energia duradero.
Despues di basta dia di preparashon pa ku e proyekto di Living Lab, a finalisá e siman ku firmamentu ofisialmente e proyekto aki.
Livng Lab ta eksplorá opshonnan pa hasi Kòrsou un Pais ku ta gosa di un ekonomia 100% duradero.
Ta trata aki di entre otro bini ku Busnan ku ta kore riba energia Solar, uso di Sargasmo ku ta keda tradusí den energia i alabes evaluá e parti di kambio di klima.
E proyekto aki mester tin aki 10 aña un ròl importante den Karibe pa loke ta trata energía duradero i aki masomenos 20 aña Kòrsou tin di bira un eksportadó di energía renovabel.
Esaki lo ta posibel pa medio di uso di teknologianan pa haña energia alternativo riba tereno di mobilidat i infrastruktura, kual lo por tin komo resultado bahamentu di gastu den nos kostonan di elektrisidat, awa i transporte.
Living Lab ta ofrese tambe kursonan pa asina evitá e parti di “brain drain” , dor di krea kuponan di trabou.
Gobièrnu di Kòrsou, TNO, invershonistanan Hulandes, i diferente otro stakeholder di Kòrsou a yega na un akuerdo ku e firmamentu di un MoU dia 29 di òktober 2021, kaminda a finalisá e siman importante aki tambe.
Riba e diferente potrètnan por tuma nota di algun di e aktividatnan ku por a konta ku presensia di Promé Minister.
