NOS SELEKSHON NASHONAL MASKULINO U-20 TA KLA PA NAN KOMPROMISONAN DEN E CONCACAF U-20 CHAMPIONSHIP!
NOS SELEKSHON NASHONAL MASKULINO U-20 TA KLA PA NAN KOMPROMISONAN DEN E CONCACAF U-20 CHAMPIONSHIP!
Djaráson, 3 di novèmber 2021, nos selekshon nashonal kategoria U-20 lo biaha pa Repúblika Dominikana pa partisipá na e CONCACAF U-20 Championship ku lo tuma lugá di 5 pa 14 di novèmber 2021. Esaki despues ku e buelo tabata programá pa 4 di novèmber pero a opta pa biaha un dia adelantá pa duna nos selekshon chèns pa aklimatisá i prepará pa nos kompromisonan.
Nos delaster refuersonan a yega Kòrsou ayera ‘nochi i a djòin nos selekshon pa kontinuá ku e preparashonnan. Awe nos selekshon ta tin su último training i ta mentalmente i físikamente bon prepará pa saka nos kara aya na Repúblika Dominikana.
Nos selekshon lo kompetí kontra British Virgin Islands, Sint Maarten, Dominica i Grenada den grupo A riba dianan 5, 7, 11 i 13 di novèmber próksimo.
Tur kos ta kla pa nos selekshon nashonal su partisipashon den CONCACAF U-20 Championship na Républika Dominikana.
2 novèmber 2021
