PROMÉ MINISTER GILMAR PISAS TABATA ORADÓ NA E MINI KONFERENSIA DI FUNDASHON PREVENSHON.

PROMÉ MINISTER GILMAR PISAS TABATA ORADÓ NA E MINI KONFERENSIA DI FUNDASHON PREVENSHON.

 

Willemstad – Promé Minister Gilmar Pisas tabata oradó na e mini konferensia di Fundashon Prevenshon dia 9 di novèmber 2021 na Renaissance Hotel.

Durante di e mini konferensia aki tabatin diferente oradó, di kual nos Promé Minister tambe. 

 

Medidanan di prevenshon eksitoso ta importante pa nos Pais, no spesífikamente pa nos por tin un komunidat saludabel, pero tambe pa mantené nos gastunan médiko dentro di e presupuesto stipulá.

Pues kualkier inisiativa i sosten di parti di e sektor privá ta unu balioso, balente i ku tin di keda apresiá.

 

Fundashon Prevenshon ta un pionero den toma di e medidanan di prevenshon aki na Kòrsou for di 2016. For di inisio e fundashon aki a fungí komo e sentro di detekshon di kanser di pechu te ku kaminda nos ta awe ku oportunidat pa hasi diferente otro tipo di screening.

Aktualmente por detektá resultadonan inmenso for di e eksámennan di detekshon di “cervicale screening” i “colonscreening”. Lo tin aun mas screening pa bini.

Nos por ta orguyoso di por ta e úniko Pais den Karibe ku tin un tipo di sentro di e taya aki, ku ta hasi tur e tipo di screeningnan aki gratis.

Pa mas informashon por bishitá e webiste di Fundashon Prevenshon na: https://www.fundashonprevenshon.com/

 

Durante di e konferensia a trata e tópikonan manera:

  • Implementashon di screening di “colorectal cancer” na Hulanda (Prof. Dr. Dekker);
  • Perspektiva for di e bista di salú públiko na Kòrsou (Dr. S. Verstraeten);
  • Investigashon sientífiko ku ta keda hasi di CRC screening na Fundashon Prevenshon (Ms. J, van Ierland/Drs. S. Blake);
  • “Pathology” di “Polyps” (Drs. N. Kooij);
  • Eksperensia ku “colonoscopie” di “dikke darm” na Kòrsou (Drs. M. Van Haastert);
  • Sirugia despues di remishon (Drs. J. Van Leeuwen).

 

E mini konferensia tabata bou di kordinashon di Prof. Dr. H.M. Bob Pinedo i sra. L. Elstak (direktora Fundashon Preveshon) .

 

Tabata nos Promé Minister kende a hasi apertura di e konferensia interesante i importante aki.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: