Atvertensia pa aglomerashon den área di Palu Blanku.

 

KOMUNIKADO DI PRENSA 382/2021
14 novèmber 2021.
Atvertensia pa aglomerashon den área di Palu Blanku.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Ultimo tempu polis ta konstatando durante prinsipalmente fin di siman un kantidat di
persona i outo den e área di Schottegatweg-West, djis despues di Plaza Hariri.
Esaki ta e kaya entre Plaza Hariri i Plaza Pieters-Kwiers den direkshon di Wishi.
Hopi di e personanan aki no ta bishitante di un di e negoshinan den e besindario ei, pero
simplemente a tuma pa kustumber pa stashoná nan vehíkulo den e área ei i forma grupo.
Banda di e echo ku aglomerashon no ta permití, e situashon aki ta sòru konstantemente pa
tráfiko ku ta keda stanká te riba e retònde i molèster pa propetarionan di e negoshinan ei
banda.
E aglomerashon aki ta bai akompañá tambe ku bebementu riba kaya i muzik duru, loke ku
ta kontra di lei.
Polis ta enfatisá ku no ta bai tolerá e situashon aki mas i ta bai kuminsá aktua di forma
represivo.
Siudadanonan ku ta frekuentá e área ei mester ta na un di e negoshinan aki komo kliente i
no sintá of pará sin ningun motibu riba lugánan di stashoná outo of kantu di kaya.
Alabes ke pidi kliente i bishitante di e negoshinan den e besindario ei pa stashoná nan
vehíkulo di un forma responsabel, ya ku e kaya aki ta tambe un di e adernan prinsipal di
tráfiko ku ta wòrdu usá dor di vehíkulonan di emergensia.
Kuerpo Polisial ta gradisí komunidat di antemano pa e komprenshon i koperashon den
esaki.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: