Trabounan pa drecha e sistema di riolering di SVB pa Klein Hofje ta kontinuá 

 

Trabounan pa drecha e sistema di riolering di SVB pa Klein Hofje ta kontinuá 

 

Willemstad – Servisio pa Obra Públiko (OW) ta informá ku entrante djaweps 18 di novèmber ta bai hasi sierto trabounan riba Kaminda Helmin Magno Wiels Boulevard. Tambe lo traha riba e kaya ku ta sali for di e rotònde na Yotin Kòrta pa bai direkshon di Klein Hofje. 

 

E trabounan aki ta den kuadro di e proyekto andando pa drecha e sistema di riolering for di SVB te ku e sentro di purifikashon di awa na Klein Hofje. 

 

Kontratista Aliansa huntu ku MNO lo atendé ku e trabounan aki i nan lo tin un durashon di 5 siman. Pa loke ta trata trabounan riba Helmin Magno Wiels Blvd. parti pariba di e rotònde lo tin un durashon di 5 dia, i pa e trabounan ku mester tuma lugá riba e kaya ku ta kondusí pa Klein Hofje lo dura te ku dia 13 di desèmber 2021.

 

Outomobilistanan ku ta hasi uzo di Helmin Magno Wiels Blvd., despues di rotònde na Yotin Kòrta direkshon pa bai Otrobanda, lo mester hasi uzo di un banda di e kaminda te kaminda e ta wòrdu indiká. 

 

Pa e outomobilistanan ku ta bai hasi uso di e kaya ku ta sali for di rotònde Yotin Kòrtá bai direkshon Klein Hofje, por hasi uzo di esaki solamente pa bai direkshon di Blue Bay. E outomobilistanan ku ta bini di direkshon di Blue Bay mester hasi uzo di Moontjeweg pa sali riba Helmin Magno Wiels Blvd.

 

Lo tin bòrchinan i barinan pa guia outomobilistanan den e área. 

 

OW ta pidi un poko pasenshi i su diskulpa pa kualke inkumbiniensia.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: