PROMÉ MINISTER GILMAR PISAS I MINISTER DI DESAROYO EKONÓMIKO RUISANDRO CIJNTJE A HASI APERTURA DI TORNEO DI GÒLF.

 

 

PROMÉ MINISTER GILMAR PISAS I MINISTER DI DESAROYO EKONÓMIKO RUISANDRO CIJNTJE A HASI APERTURA DI TORNEO DI GÒLF.

 

Willemstad – Promé Minister Gilmar Pisas i Minister di Desaroyo Ekonómiko Ruisandro Cijntje a hasi apertura di e di 3 torneo di Gòlf organisá pa AGAT Events dianan 19 i 20 di novèmber 2021.

 

AGATS Events, representá pa sr. Addy Toppenberg i su tim, a hasi tur loke tabata na nan alkanse pa trese un aktividat di e magnitut aki pa di 3 biaha Kòrsou.

Esaki ku e solo propósito pa pone Kòrsou riba mapa den Caribe komo e destinashon apropiá pa torneonan di Gòlf internashonal. Kòrsou ta brinda esaki sigur i ta un Pais potensial ku por organisá kualkier torneo internashonal di Gòlf.

Na tur tin tres kancha di Gòlf na Kòrsou: Emmastad, Sta. Barbara i Blue Bay.

 

Teniendo e tipo di aktividatnan aki ta pone ku nos ta kontribuí en grande ku nos industria turístiko, kaminda ku hotèlnan tur ta yen, restaurantnan, hürmento di outo i diferente otro negoshinan lokal tur ta benefisiá for di esaki. 

Kòrsou lo benefisiá tambe ku yegada di diferente buelo internashonal.

Varios di e hungadonan di Gòlf a bini tambe ku nan famia pa e torneo i pa asina gosa un poko di tur loke nos ta Pais ta ofresé nan.

Tur esaki ta krea un impulso perfekto pa realisá un ekonomia próspero pa nos komunidat i logra un di e ophetivonan klave di e gobernashon aktual.

 

Djabièrnè dia 19 di novèmber tabatin un enkuentro pa yama tur esnan ku a bishitá nos Pais bon bini i tambe tabatin e oportunidat pa Promé Minister por a hiba un diskurso.

Djasabra dia 20 di novèmber parti mainta a tene e apertura di e torneo kaminda Promé Minister Gilmar Pisas i Minister di Desaroyo Ekonómiko a lansa e promé bala di Gòlf pa inisiá e torneo.

 

Di parti di Gobièrnu di Kòrsou a mustra apresio i tabata kontentu ku a tene e torneo aki na Kòrsou.