KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Kulminashon di bishita di Prinsesa Beatrix na Kòrsou

Kulminashon di bishita di Prinsesa Beatrix na Kòrsou

Geplaatst op 29 November 2021 dor di Ministerio Asuntunan General i Promé Minister

Willemstad – Djadumingu, 28 di novèmber 2021 Su Altesa Real Prinsesa Beatrix i Gobernador Lucille Wout-George a kombersá ku algun hóben tokante un mundu ideal despues di Covid. Después e Prinsesa i Gobernador a hasi un rekorido den e hardin di arte di Blue Bay Resort Curaçao. Di e forma aki Prinsesa Beatrix a kulminá su bishita di trabou na Kòrsou.

Kombersashon ku hóbennan den Octagon
Meskos ku nos adultonan, Covid tin un impakto tambe riba bida di nos hóbennan. Pa e motibu aki UNICEF huntu ku Gobièrnu di Kòrsou a pidi algun hóben pa yuda pensa i duna nan opinion tokante asuntunan ku ta regardá nan situashon. Durante diferente kombersashon ku Prinsesa Beatrix e hóbennan a ekspresá e efekto ku Covid tabatin riba nan. Tambe nan a kombersa kon nan kier mira progreso den futuro. E kombersashonnan a tuma luga den e edifisio históriko yamá Octagon na Avila Hotel.

Rekorido den hardin di Arte
Despues di Octagon, Prinsesa Beatrix a bishitá Blue Bay kaminda ku artistanan lokal a haña chèns di presentá nan arte trahá di artíkulonan risiklá ku e meta pa sigui konsientisá hende riba kuido di nos medio ambiente.

Pa konkluí e bishita di Prinsesa Beatrix a logra pone atenshon riba kuido di nos medio ambiente. Tambe a pone atenshon riba maneranan pa superá e konsekuensianan di e efektonan di Covid.

Ministerio konserní 

639114718427035"
639114718427035"