AQUALECTRA TA APLOUDÍ  KREASHON DI AMBIENTE DI FIN DI AÑA, PERO SITUASHON TA OBLIGÁ E KOMPANIA DI TIN UN APORTE LIMITÁ

 

AQUALECTRA TA APLOUDÍ  KREASHON DI AMBIENTE DI FIN DI AÑA, PERO SITUASHON TA OBLIGÁ E KOMPANIA DI TIN UN APORTE LIMITÁ

Willemstad – 29 di novèmber 2021- Aqualectra ta un di e pioneronan den krea un Kòrsou dòrná na lus den fin di aña.  E kompania ta suprayá e importansha di e kreashon di un ambiente di harmonia, ku ta inspirá i ta duna nos di bèrdat e sentido di ta den fin di aña. E aña aki ta karakterisá su mes komo un aña di reto grandi kaminda entradanan di e kompania a kai atras debí na e situashon sosio-ekonómiko den pais,  mientras e  nesedidat pa keda hasi invershonan pa asina garantisá awa i koriente ta áltamente nesesario. Debí na e sirkunstansha aki e aporte supstanshal di Aqualectra pa krea un ambiente grandi di lus i fiesta, den prinsipalmente nos sentro di suidat, lo ta limitá.  Aqualectra ta aploudí e varios inisiativa di gruponan den komunidat pa tuma e inisiativa pa nan mes limpia i dòrna areanan públiko òf stimulá otro pa hasi esaki.  Aqualectra ta kere ku esaki ta prueba ku a logra e intenshon original di krea un komunidat kaminda inisiativa partikular ta brasa i ta komprometé na krea e espíritu di fin di aña na Kòrsou. 

 

Area di Mundu Nobo, area den desaroyo

Aqualectra tin un ròl importante pa ta un estímulo ekonómiko i tambe sosial pa nos pueblo.  Ta den e lus akí mester mira tambe ku pronto Aqualectra ta move su instalashon den e area di Mundu Nobo.  Den un futuro serkano produkshon di awa ta move pa un area na e parti Wèst di nos isla, e último planta di produkshon di koriente ta move pa Dokweg i e empleadonan lo muda pa e ofisina  nobo di Aqualectra.  Esaki ta habri espasio pa Kòrsou por desaroya e area aki pe bira un area prometedó di desaroyo pa Kòrsou.  Por imaginá kon e area aki, meskos ku ora Aualectra a move su plantanan di produkshon pegá ku e fòrti  na Rif, lo desaroyá i bira un zona ekonómiko floresiente.  

 

Aqualectra ta sostené nos mes partisipashon den desaroyo

Pa Aqualectra ta importante pa nos komunidat probechá di e desaroyo positivo aki. P’esei tambe Aqualectra a bin ta kontribuí den hasi e area banda di e planta na Mundu Nobo komo unu agradabel kaminda nos mes ta tene nos kurpa den kondishon, pero tambe ta frekuentá negoshinan chikí di nos mes hendenan den e area ei.  Prueba di Aqualectra su kontribushon ta instalashon di lus LED inteligente den area i tambe partisipashon den e mural atraktivo riba murayanan di Aqualectra su instalashon na Mundu Nobo.  Ta den e kuadro aki Aqualectra a aportá ku artefaktonan ku e keda usá den añanan aterior, i ku kompania tin wardá den su mangasina, pa  embehesé e area menshoná pa e temporada aki.  Aqualectra ta spera ku komunidat lo por disfrutá di e area i asina kuminsá biba un futuro di area di Mundu Nobo i Zakito.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: