PROMÉ MINISTER/MINISTER DI HUSTISIA GILMAR PISAS A HASI UN REKORIDO NA KONINKLIJKE MARECHAUSSEE.

 

PROMÉ MINISTER/MINISTER DI HUSTISIA GILMAR PISAS A HASI UN REKORIDO NA KONINKLIJKE MARECHAUSSEE.

 

Willemstad – Promé Minister/Minister di Hustisia Gilmar Pisas a hasi un rekorido na e base di Koninklijke Marechaussee dia 29 di novèmber 2021 na Suffisant.

 

Durante di e rekorido a tuma lugá rekonosementu i promoshon di un miembro di e organisashon.

Esaki a bai den un forma úniko kaminda ora ta rekonosé un miembro ta basha serbes riba esaki despues.

 

Durante di e rekorido aki a duna Promé Minister/Minister di Hustisia un presentashon den kual a kompartí tur informashon riba kua ta e tareanan di e Marechaussee nan aki na e.o. Kòrsou, Boneiru i St. Maarten i tambe kiko ta tur e retonan ku nan tin.

 

Promé Minister/Minister di Hustisia tabata kontentu ku tur informashon ku e la risibí i a gradisí pa e oportunidat di por a sera konosí ku nan organisashon di aserka.