GRAN SELEBRASHON HOMENAHE NA LA BIRGEN DI GUADALUPE NA MISA SAGRADO KURASON DI HESUS NA PAROKIA DI JANWE.

 

 

GRAN SELEBRASHON HOMENAHE NA LA BIRGEN DI GUADALUPE NA MISA SAGRADO KURASON DI HESUS NA PAROKIA DI JANWE.

 

Manera ya ta un tradishon, riba djadumingu 12 di desèmber próksimo “Komishon Bírgen di Guadalupe” lo tin su gran selebrashon komo homenahe na “La Virgen di Guadalupe”. E selebrashon ta tuma lugá di 6’or pa 8’or di anochi na Misa Sagrado Kurason di Hesus na Parokia di Janwé. 

 

Manera ta konosí riba tur 12 di desèmber rònt mundu fielnan ta selebrá fiesta di La Bírgen di Guadalupe. La Birgen di Guadalupe o Nuestra Señora de Guadalupe ta un di e aparisashon di Birgen Maria, ku a tuma lugá na aña 1531 pues 490 aña pasá riba e seru di Tepeyac na México. For di e tempu ei fielnan ta adorá i venerá e birgen aki. E aña  aki tambe ta spera ku míles di devoto lo bishitá e bírgen den nan pais pa asina duna homenahe na e bírgen milagroso aki.

 

Aki na Kòrsou “Komishon Bírgen di Guadalupe” tambe lo tin un selebrashon prepará, ku ta tuma lugá djadumingu awor 12 di desèmber na Misa Sagrado Kurason di Hesus na Parokia di Janwé. E selebrashon ta kuminsá presís 6’or di atardi ku presentashon di Mariachi ku presentashon di vários di nos artistanan lokal.

 

Despues di e bunita presentashon musikal pa 7’or di anochi lo tin un Santu Sakrifisio di Misa na honor di La Birgen di Guadalupe kantá pa Kor Guadalupana.

 

Riba e dia aki, portanan di Misa Sagrado Kurason di Hesus di Janwé lo ta habrí for di 5.30’or di atardi.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: