Sinku dòkter di kas a huramentá serka Minister Pietersz- Janga

Sinku dòkter di kas a huramentá serka Minister Pietersz- Janga

Willemstad – Sinku dòkter di kas a huramenta resientemente serka Minister di Salú, Medio Ambiente i Naturalesa dr. Dorothy Pietersz- Janga. Ta trata aki di Jermaine Desmond Richardson, Erika Emma Maria Gresnigt, Carolien Hans Ellen van Heugten, Daniël Raymond Schotborgh i Kevin Edward Ibrahim Snijders Romero kual tur sinku profeshonal a huramenta komo dòkter di kas.

Minister Pietersz- Janga ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e sinku personanan ku a huramentá a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Pietersz- Janga durante un kombersashon ameno a ekspresá su alegria i satisfakshon ku yunan di tera kalifiká ta skohe pa bini pa traha na Kòrsou. Finalmente Minister a felisitá e sinku dòkternan di kas i a deseá nan tur klase di éksito den nan karera.

Riba potrèt drpd: drs. Jermaine Richardson, drs. Erika Gresnigt, Minister Pietersz- Janga, drs. Carolien van Heugten, drs. Daniel Schotborgh i drs. Kevin Snijders Romero despues di e akto ofisial.